Дар Ҳисор ҷаласаи ситоди байниидоравии мақомоти таъмини амният ва тартибот доир гардид
ДУШАНБЕ, 09.08.2024 /АМИТ «Ховар»/. 8 август ҷаласаи кории навбатии Ситоди байниидоравии мақомоти таъмини амният ва тартибот дар шаҳри Ҳисор бо намояндагони фаъоли аҳли ҷомеа, роҳбарони ташкилоту муассиса ва ходимони дин баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокмияти давлатии шаҳри Ҳисор иттилоъ медиҳад.
Дар ҷаласа гуфта шуд, ки ситод бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дини мамлакат, татбиқи талаботи қонунҳои Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» ва «Дар бораи масъулият барои таълиму тарбияи кӯдак», ки бо таҳрири нав қабул шудаанд, фаъолият менамояд. Он масъалаҳо вобаста ба вазъи хурофотпарастӣ, афзоиши дингароӣ, зиёдаравӣ дар ҷашну маросим, раванди сусти таълиму тарбия дар муассисаҳои таълимӣ, пешгирӣ намудани ҳама гуна ҳуқуқвайронкуниҳо, аз ҷумла ҳамроҳшавии ҷавонон ба гурӯҳҳои экстремистиву террористиро пайгирӣ менамояд.
Роҳбарияти Вазорати корҳои дохилии мамлакат иштирокдорони ҷаласаро бо нақшаи фаъолияти ситод дар ҷамоатҳои шаҳраку деҳот шинос намуда, роҳу усулҳои корбарии аъзои онро шарҳ дод.
Вобаста ба рӯзномаи ҷаласаи ситод кормандони масъули Вазорати корҳои дохилии ҷумҳурӣ, прокурори шаҳри Ҳисор, масъулини шуъбаи маориф ва сархатиби шаҳр сухан намуданд.
Аъзои ситод бо дастгирии фаъолони шаҳр нисбат ба масъалаҳои пешгирии хурофотпарастӣ, афзоиши дингароӣ, зиёдаравӣ дар ҷашну маросим, раванди сусти таълиму тарбия дар муассисаҳои таълимӣ, пешгирӣ намудани ҳама гуна ҳуқуқвайронкуниҳо, аз ҷумла, ҳамроҳшавии ҷавонон ба гурӯҳҳои экстремистиву террористӣ ҷиддӣ муносибат карда, дар тарбияи насли наврас дар руҳияи ватандӯстиву хештаншиносӣ, донишандӯзиву ахлоқи ҳамида ва эҳтиром ба муқаддасоту арзишҳои миллӣ, ки кафили таҳкими суботу амнияти давлату миллат маҳсуб мешаванд, саҳми муносиб мегузоранд.
АКС: Мақомоти иҷроияи ҳокимияти давлатии шаҳри Ҳисор
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
