Дар шимоли Эфиопия бар асари ярч 10 нафар ҳалок гардид
ДУШАНБЕ, 26.08.2024 /АМИТ «Ховар»/. Бар асари ярч дар иёлати Амҳара дар шимоли Эфиопия 10 нафар ҳалок ва 8 нафар захмӣ гардид. Тавре АМИТ «Ховар» бо истинод ба ТАСС хабар медиҳад, дар ин хусус Amhara Media Corporation иттилоъ додааст.
Тавре иттилоъ дода шуд, шоми 24 август дар минтақаи шимолии шаҳри Гондэр ярч фаромад. Ба 8 нафари захмишуда ёрии тиббӣ расонида мешавад. Илова бар ин, бар асари офати табиӣ беш аз 2 ҳазор нафар кӯчонида шуда, ҳоло дар марказҳои истиқоматии муваққатӣ қарор доранд.
Ин сеюмин лағжиши ярч дар Эфиопия дар ду моҳи охир аст. Аввали моҳи август дар ноҳияи Каво Коиша дар ҷануби кишвар 11 нафар ҳалок шуд. Тибқи гузориши Раёсати ҳамоҳангсозии масоили башардӯстонаи Созмони Милали Муттаҳид, охири моҳи июл дар ҳамин минтақа маргбортарин ярч дар ин давлат сабт шуд, ки бар асари он дар минтақаи Гезе-Гофа 257 нафар ҳалок гардид.
АКС аз манбаъҳои боз
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
