ЭМОМАЛӢ РАҲМОН-АСОСГУЗОРИ ДАВЛАТДОРИИ МИЛЛИИ ТОҶИКОН. Дар ноҳияи Восеъ конференсияи ҷумҳуриявӣ доир шуд

Август 8, 2024 15:00

ДУШАНБЕ, 08.08.2024 /АМИТ «Ховар»/. 7 август дар ноҳияи Восеъ дар мавзуи «Эмомалӣ Раҳмон — асосгузори давлатдории миллии тоҷикон» конференсияи ҷумҳуриявӣ баргузор гардид. Дар ин хусус АМИТ «Ховар» бо истинод ба Ҳаракати ваҳдати миллӣ ва эҳёи Тоҷикистон хабар медиҳад.

Дар конференсия раиси Кумитаи иҷроияи Ҳаракати ваҳдати миллӣ ва эҳёи Тоҷикистон, директори Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон ва муовини директори Маркази тадқиқоти стратегии назди Президенти Ҷумҳурии Тоҷикистон дар мавзуъҳои «Нақши Пешвои миллат дар таҳкими Ваҳдати миллӣ», «Истиқлоли давлатӣ, Пешвои миллат ва илми тоҷик» ва «Нақши Пешвои миллат дар ташаккули давлати демократӣ дар Тоҷикистон» сухан намуданд. Иброз гардид, ки нақши меҳварии Президенти Ҷумҳурии Тоҷикистон муҳтарам Эмомалӣ Раҳмон дар бунёд ва бозсозии давлатдории миллӣ дар таърихи дирӯз ва имрӯзи халқи тоҷик бузург буда, он моро ба иттиҳоду ҳамбастагӣ ва сарҷамъӣ баҳри ободиву пешрафти ҷумҳурии азизамон даъват ва ҳидоят месозад.

Ҳукумати Тоҷикистон илмро яке аз омилҳои асосии рушди ҷумҳурӣ ва олимонро захираи бузурги зеҳнии ҷомеа дониста, бо мақсади пешрафти ҳамаҷонибаи он ва беҳтар гардонидани шароити иҷтимоии кормандони соҳаи илм ҳамаи имкониятро муҳайё намудааст. Маҳз илму маориф асоси пешрафти давлат ва омили раҳоии ҷомеа аз ҳама бадбахтиҳо, аз ҷумла ифротишавӣ, хурофотпарастӣ ва ҷаҳолат аст. Олимон чун ҳамеша рисолати худро дар назди миллату давлат бо садоқати баланди ватандӯстӣ иҷро намуда, дар ҳифзи дастовардҳои истиқлол, муқаддасоти миллӣ, таҳкими хотираи таърихиву фарҳангии миллати тоҷик ва муаррифии шоистаи Ватани азизамон – Тоҷикистон саҳми арзишманд мегузоранд.

АКС: Ҳаракати ваҳдати миллӣ ва эҳёи Тоҷикистон

Август 8, 2024 15:00

Хабарҳои дигари ин бахш

Дар доираи «Барномаи омодасозии мутахассисон аз ҳисоби ҷавонон барои соҳаҳои иқтисодиёт» беш аз 41 ҳазор нафар бо ҷойи кор таъмин гардид
Дар Вазорати адлияи Тоҷикистон бахшида ба Рӯзи Парчами давлатӣ ҳамоиши илмӣ доир шуд
Дар шаш муассисаи тиббии шаҳри Душанбе барномаи рақамии «eTib» фаъол гардид
Вазири меҳнат, муҳоҷират ва шуғли аҳолии Тоҷикистон дар Конфронси Вена оид ба муҳоҷират иштирок намуд
Дар Душанбе бахшида ба татбиқи Ёддошти тафоҳум дар соҳаи тандурустӣ байни Тоҷикистон ва Амрико чорабинӣ баргузор шуд
Барномаи ҳамкорӣ байни Хадамоти иҷрои Тоҷикистон ва Бюрои иҷрои маҷбурии Узбекистон ба имзо расид
Конгресси байналмилалии «Инсон ва дору» баргузор гардид
Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид