Намояндагони бахши сайёҳии Тоҷикистон бо таҷрибаи ширкатҳои сайёҳии Гурҷистон шинос гардиданд
ДУШАНБЕ, 10.08.2024 /АМИТ «Ховар»/. 9 август дар шаҳри Тбилиси вохӯрии намояндагони Ҷумҳурии Тоҷикистон бо ҳайати Идораи миллии сайёҳии Гурҷистон ва бахши хусусии ин ҷумҳурӣ баргузор гардид.
Тавре ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд, дар вохӯрӣ масъалаи тамоюли рушди саноати сайёҳӣ ва ҳамкории дуҷониба дар соҳа байни Ҷумҳурии Тоҷикистон ва Ҷумҳурии Гурҷистон баррасӣ шуд. Иброз гардид, ки дар замоне, ки сайёҳӣ дар ҷаҳон ҳамчун соҳаи афзалиятнок дар рушди иқтисоди давлатҳо нақши муҳим дорад, тақвият бахшидани муносибатҳои мутақобилан судманд байни Тоҷикистон ва Гурҷистон муҳим мебошад.
Сафари омӯзишӣ ва табодули таҷрибаи ҳайати Тоҷикистон ба Гурҷистон дар доираи лоиҳаи «Рушди иқтисодиёти деҳот»-и Муассисаи давлатии «Маркази татбиқи лоиҳаи «Дастрасӣ ба маблағгузории сабз ва маблағҳои рушди деҳот»-и назди Вазорати молияи Ҷумҳурии Тоҷикистон ба хотири омӯзиш ва таҷриба андӯхтани кормандони соҳаи сайёҳии мамлакат ташкил гардид.
Намояндагони бахши сайёҳии Тоҷикистон якчанд мавзеи сайёҳӣ ва таърихии шаҳрҳои Тифлису Мтсхетаро тамошо намуда, бо тарзи қабули сайёҳон дар нуқтаҳои хизматрасонии Гурҷистон, таҷрибаи ғании ширкатҳои сайёҳӣ ва усулҳои хизматрасонӣ ба сайёҳон шинос шуданд. Таъкид гардид, ки барои ташкили чунин низоми хизматрасонӣ ба сайёҳон дар Тоҷикистон имконияти зиёд мавҷуд аст ва амалисозии нақшаҳои мукаммал дар ин самт манфиатовар мебошад.
Сафари ҳайати намояндагони бахши сайёҳии Ҷумҳурии Тоҷикистон ба Ҷумҳурии Гурҷистон дар рушди ҳамкории минбаъда байни мамлакатҳо дар ин соҳа такони ҷиддӣ мебахшад. Ин сабаби он мегардад, ки таҷрибаи сайёҳии Гурҷистон аз ҷониби мутахассисони тоҷик мавриди омӯзиш қарор гирифта, сатҳи тахассусии онҳо баланд бардошта шавад ва таҷрибаи андӯхтаи онҳо дар соҳаи сайёҳии Тоҷикистон истифода гардад.
Намояндагони соҳаи сайёҳии Тоҷикистон ҳамчунин бо мавзеъҳои дигари сайёҳӣ ва иншооти таърихии шаҳри Тифлис ва дастовардҳои Ҷумҳурии Гурҷистон дар соҳаи сайёҳӣ шинос шуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Тоҷикистон барои сохтмони марказҳои агрологистикӣ хостори ҷалби сармоя аз Арабистони Саудӣ мебошад
Масоили марбут ба бунёди иншооти муҳими стратегӣ дар Тоҷикистон бо ҷалби сармояи Корея баррасӣ шуд
Телефони боварии Кумитаи рушди сайёҳӣ мушкилоти ҷаҳонгардони хориҷӣ, ширкатҳои сайёҳӣ ва шаҳрвандонро бартараф менамояд
Тоҷикистон ва Эрон хостори таҳкими ҳамкории саноатӣ гардиданд
Ҷаласаи чоруми Комиссияи муштараки байниҳукуматӣ оид ба ҳамкории иқтисодию тиҷоратии Тоҷикистону Арманистон баргузор мегардад
Шарҳи дуюми татбиқи барномаи фишанги ҳамоҳангсозии сиёсати Хазинаи Байналмилалии Асъор барои Тоҷикистон баррасӣ шуд
Дар Душанбе гузариш ба иқтисоди «сабз» ва истифодаи оқилонаи захираҳои ангишт баррасӣ гардид
Дар ноҳияи Спитамен дар 6490 гектар пунбадона кишт карда мешавад
Тоҷикистон Эронро аз муҳимтарин шарикони стратегии минтақавӣ дар Ховари Миёна медонад
Лоиҳаи «Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» баррасӣ гардид
Дурнамои тақвияти ҳамкории иқтисодии Тоҷикистон ва Эрон баррасӣ гардид
Дар шаҳри Хива ҷаласаи 12-уми Комиссияи байниҳукуматии Тоҷикистон ва Узбекистон оид ба ҳамкории тиҷоративу иқтисодӣ баргузор шуд
