НИШАСТИ МАТБУОТӢ. Бо ташаббуси Комиссияи олии аттестатсионӣ маҷаллаи «Фурӯғи илм» таъсис дода шуд
ДУШАНБЕ, 07.08.2024 /АМИТ «Ховар»/. Бо мақсади таҳқиқи мавзуъҳои мубрам, созгор ба ҳадафҳои стратегии рушди миллӣ, ҷавобгӯ ба ниёзҳои иқтисоди миллӣ, таваҷҷуҳи хосса зоҳир кардан ба навгониҳои таҳқиқоти илмӣ, татбиқи онҳо дар истеҳсолот, рушду нумӯи илми мамлакат дар самти илмҳои табиӣ-математикӣ, техникӣ, тиббиву фарматсевтӣ, биологӣ, байторӣ ва аграрӣ, илмҳои ҷамъиятӣ-гуманитарӣ, муаррифии дастовардҳои аспирантону докторантҳо маҷаллаи илмӣ-байналмилалии «Фурӯғи илм» таъсис дода шуд. Чунин иттилоъ дод Раиси Комиссияи олии аттестатсионии назди Президенти Ҷумҳурии Тоҷикистон Сайфиддин Давлатзода дар нишасти матбуотӣ оид ба фаъолияти Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» дар шашмоҳаи аввали соли 2024.
Шумораи аввали маҷаллаи илмӣ-байналмилалии «Фурӯғи илм» бо мақолаҳои олимони тоҷик ба забонҳои тоҷикӣ, англисӣ ва русӣ моҳи сентябри соли 2024 дар арафаи ҷашни Истиқлоли давлатии Ҷумҳурии Тоҷикистон ба нашр мерасад.
Ба муносибати 10-солагии таъсиси Комиссияи олии аттестатсионӣ озмунҳои гуногун, аз ҷумла «Беҳтарин рисола», «Беҳтарин таҳқиқот», «Беҳтарин шурои диссертатсионӣ», «Беҳтарин шурои экспертӣ» гузаронида мешаванд.
Дар нишасти матбуотӣ гуфта шуд, ки мутаассифона, таҳлили мунтазами парвандаҳои аттестатсионӣ ва дигар дархостҳои ба Комиссия воридшаванда собит менамоянд, ки ҳанӯз ҳам талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва Қонуни Ҷумҳурии Тоҷикистон «Дар бораи бақайдгирии давлатии асноди ҳолати шаҳрвандӣ» ба таври зарурӣ аз ҷониби довталабони дараҷаҳо ва унвонҳои илмӣ риоя карда намешаванд.
Номгузорӣ ва шакли дурусти навишти он дар Ҷумҳурии Тоҷикистон тибқи фарҳанг, анъанаҳои миллӣ ва Феҳристи номҳои миллии тоҷикӣ бояд амалӣ гардад. Аммо дар насаб, ном ва номи падарии баъзе довталабон талаботи номгузории миллӣ бо назардошти фарҳанги пурғановати миллӣ риоя нагардида, ҳанӯз ҳам парвандаҳои аттестатсионӣ ва дархостҳо бо ному насаби пурғалати имлоию забонӣ пешниҳод мешаванд, ки ба талаботи ҷорӣ ҷавобгӯ нест. Вобаста ба ин ҳолат дастури Роҳбари Дастгоҳи иҷроияи Президенти Ҷумҳурии Тоҷикистон барои чораҷӯии мақомоту идораҳои давлатии дахлдор баҳри риояи қонунгузории мамлакат дар ин самт ва ба танзим даровардани насаб, ном ва номи падарии довталабони дараҷа ва унвонҳои илмӣ ба тасвиб расида, ба ниҳодҳои марбута дастрас карда шудааст.
Акрам САНГЗОДА,
АМИТ «Ховар»
АКС: АМИТ «Ховар»
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
