Олимони Институти астрофизикаи Тоҷикистон дар машварати ҷаҳонии COSPAR -2024 иштирок доранд
ДУШАНБЕ, 28.08.2024 /АМИТ «Ховар»/. Олимони Институти астрофизикаи Академияи миллии илмҳои Тоҷикистон дар машварати бонуфузи ҷаҳонии Кумитаи тадқиқоти кайҳон COSPAR-2024 дар вилояти Самарқанди Ҷумҳурии Узбекистон иштирок доранд.
Тавре ба АМИТ «Ховар» дар Институти астрофизика хабар доданд, машварат баҳри баланд бардоштани савияи донишҳои инноватсионӣ, барномасозӣ, истифода ва таҳлил намудани махзанҳои ҷаҳонӣ дар самти тадқиқоти астрономия ва астрофизика то 31 август идома меёбад.
Дар машварати байналмилалӣ олимон аз Иёлоти Муттаҳидаи Амрико, Фаронса, Ҳиндустон, Швейтсария ва Испания маъруза мекунанд.
Дар доираи машварат аз ҷониби профессорони марказҳои илмии пешрафтаи ҷаҳон маърузаҳо ва дарсҳои амалӣ гузаронида мешаванд. Дар корҳои амалии машварат масъалаҳои муҳими Офтоб ва Замин оид ба обу ҳавои кайҳонӣ баррасӣ мегарданд.
Олимон маълумот ва барномаҳои Спектрометри эмиссияи радиои офтобии e-Callisto-ро, ки қисми шабакаи байналмилалии спектрометрҳо буда, дар доираи барномаҳои гелиофизикӣ фаъолият менамоянд, меомӯзанд. Ин маълумоти зарурӣ минбаъд ба омӯзиши физикаи Офтоб дар Институти астрофизика асос мегузорад.
АКС: Институти астрофизикаи Академияи миллии илмҳои Тоҷикистон
Намоиши «Достони Сиёвуш» дар Москва ба саҳна гузошта шуд
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
