Пагоҳ Рӯзҳои фарҳанги Қазоқистон дар Тоҷикистон ифтитоҳ мегарданд
ДУШАНБЕ, 21.08.2024 /АМИТ «Ховар»/. Пагоҳ, саоти 18:00 дар Муассисаи давлатии «Кохи Борбад»-и шаҳри Душанбе Рӯзҳои фарҳанги Қазоқистон дар Тоҷикистон ифтитоҳ мегарданд.
Тавре ба АМИТ «Ховар» дар Вазорати фарҳанги мамлакат иттилоъ доданд, аз ҷониби ҳунармандони қазоқ барномаи консертии сатҳи баланд, ки аз суруду рақсҳои ҷолиб иборат аст, пешниҳод мегардад.
Ҳамчунин дар ошёнаи дуюми Муассисаи давлатии «Кохи Борбад» санъати ороишии амалии ҳунармандони қазоқ пешниҳод мешавад, ки дар он ҳунари заргарӣ, тангаҳои қиматбаҳо, либосҳои миллӣ, миёнбандҳо ва дигар ҳунарҳои қадимӣ ба намоиш гузошта мешаванд.
Дар доираи баргузории Рӯзҳои фарҳанги Қазоқистон дар Тоҷикистон 22-23 август ҳайати ҳунарии Қазоқистон дар шаҳрҳои Бохтар ва Хуҷанд барномаҳои фарҳангӣ пешниҳод менамоянд.
Ёдовар мешавем, ки 25 августи соли 2023 дар толори Театри давлатии опера ва балети «Остона Опера»- и Ҷумҳурии Қазоқистон бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қазоқистон муҳтарам Қосим-Жомарт Токаев маросими тантанавии ифтитоҳи Рӯзҳои фарҳанги Ҷумҳурии Тоҷикистон дар Ҷумҳурии Қазоқистон баргузор гардид. Дар доираи Рӯзҳои фарҳанги Тоҷикистон дар Қазоқистон аз 24 то 29 августи соли 2023 дар шаҳрҳои Остона, Алмато ва Чимкент барномаҳои консертӣ, намоишгоҳи ҳунармандон, намоиши аксу мусаввараҳо, либосҳои миллии тоҷикӣ ва филмҳои бадеию таърихӣ баргузор шуд.
АКС аз бойгонӣ
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
