СОЛИ МАЪРИФАТИ ҲУҚУҚӢ. Дар Кӯлоб барои баланд бардоштани маърифати ҳуқуқии аҳолӣ вохӯрӣ доир шуд

Август 4, 2024 11:32

ДУШАНБЕ, 04.08.2024. /АМИТ «Ховар»/. Бахшида ба Соли маърифати ҳуқуқӣ барои баланд бардоштани маърифати ҳуқуқии қишрҳои гуногуни ҷомеа ва аз байн бурдани зуҳуроти халалдоркунандаи манфиатҳои давлату миллат мулоқоти сардори Раёсати Вазорати корҳои дохилии Ҷумҳурии Тоҷикистон дар вилояти Хатлон Шариф Назарзода бо ҷавонони шаҳри Кӯлоб баргузор гардид, ки дар он асосан ҷавонони бешуғл аз тамоми ҷамоату маҳаллаҳои шаҳри Кӯлоб иштирок намуданд. Дар ин хусус АМИТ «Ховар» бо истинод ба ин раёсат хабар медиҳад.

Қабл аз оғози мулоқот бо иштироки масъулини Мақомоти иҷроияи ҳокимияти давлатии шаҳри Кӯлоб ва корхонаву ширкатҳо намоиши ҷойҳои кории холӣ баргузор гардида, рӯйхати ин ҷойҳо пешниҳоди ҷавонон карда шуд.

Шариф Назарзода иброз дошт, ки имрӯзҳо бо дастгирии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба ҷашни 35-солагии Истиқлолияти давлатии Ҷумҳурии Тоҷикистон дар тамоми минтақаҳои мамлакат, аз ҷумла шаҳру ноҳияҳои вилояти Хатлон раванди корҳои ободонию созандагӣ бомаром идома дорад. Дар баробари ин якчанд лоиҳаҳои бузурги инвеститсионӣ дар ҳоли амалишавӣ қарор доранд, ки имкони бо шуғли мавсимӣ фаро гирифтани ҷавонони бекорро доранд.

Бо назардошти ин имконият дар вохӯрӣ масълаҳои бо кору шуғл таъмин намудани ҷавонон аз ҷониби мақомоти милитсия дар ҳамбастагӣ бо дигар сохторҳои марбута ва мақомоти ваколатдори давлатӣ, ҷалби бештари онҳо ба касбу ҳунаромӯзӣ, тарғиби тарзи ҳаёти солим ва тақвияти ҳамкории мақомоти милитсия бо ҷавонон дар масъалаҳои пешгирии ҷинояткорӣ ва ҳамроҳшавии сокинон ба ҳизбу ҳаракатҳои ифротӣ мавриди баррасӣ қарор гирифт.

Таъкид гардид, ки мақомоти марбутаи давлатӣ барои ҳал кардани мушкилӣ ва дархостҳои ҷавонон омода буда, баҳри татбиқи барномаҳои давлатӣ дар соҳаи дастгирии ҷавонон тамоми чораҳои заруриро таҳия ва амалӣ менамояд.

Аз иштирокдорони вохӯрӣ тақозо карда шуд, ки дар тарбияи наврасону ҷавонон дар руҳияи худогоҳию худшиносии миллӣ, арҷгузорӣ ба таъриху фарҳанги пурғановати миллати тоҷик, мубориза бар зидди таҳдиду хатарҳои ҷаҳони муосир, хурофотпарастӣ, ифротишавии мафкураи насли наврас ва пешгирии ҳама гуна зуҳуроти халалдоркунандаи тартиботу оромӣ саҳм гузоранд.

АКС: Раёсати Вазорати корҳои дохилии Ҷумҳурии Тоҷикистон дар вилояти Хатлон

Август 4, 2024 11:32

Хабарҳои дигари ин бахш

Картошкаи водии Рашт бо лаззату хуштаъм буда, ҳамто надорад
Директори Коллеҷи тиббии ҷумҳуриявии Тоҷикистон дар Қазоқистон сазовори ҷоизаи байналмилалӣ дар ИДМ гардид
Имрӯз дар шаҳри Душанбе ҳаво то 30 дараҷа гарм мешавад
Дар Панҷакент вобаста ба ташаббусҳои ҷаҳонии Президенти Тоҷикистон конференсияи ҷумҳуриявӣ баргузор гардид
Дар Душанбе масъалаи рушди муносибатҳои дуҷонибаи Тоҷикистон ва Арманистон баррасӣ гардид
Имрӯз дар ноҳияҳои водигии Тоҷикистон ҳаво то 30 дараҷа гарм мешавад
Дар Душанбе Фестивали атласу адрас ва намоишу фурӯши он доир мешавад
Имрӯз дар шаҳри Душанбе ҳаво то 30 дараҷа гарм мешавад
Дар даврони соҳибистиқлолӣ ҳаҷми истеҳсоли маҳсулоти кишоварзӣ дар ноҳияи Тоҷикобод 2,8 баробар афзоиш ёфт
СОЛИ МАЪРИФАТИ ҲУҚУҚӢ. Вобаста ба баланд бардоштани маърифати ҳуқуқии аҳолӣ дар Шуғнон вохӯрӣ доир шуд
Ба шарқи Тоҷикистон меравем: дар Бадахшон чиро дидан мумкин аст?
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад