Вазорати молияи Тоҷикистон бо шарикони рушд 18 созишнома ба имзо расонид
ДУШАНБЕ, 11.08.2024 /АМИТ «Ховар»/. Аз ҷониби Вазорати молияи Ҷумҳурии Тоҷикистон дар ҳамкорӣ бо вазорату идораҳои мамлакат ва шарикони рушд имсол 18 созишнома барои татбиқи 8 лоиҳаи сармоягузории давлатӣ ба имзо расонида шуд.
Тавре муовини якум Вазири молияи ҷумҳурӣ Юсуф Маҷидӣ дар нишасти матбуотӣ ба доираи васеи хабарнигорон иттилоъ дод, маблағи умумии 18 созишномаи баимзорасида барои татбиқи 8 лоиҳаи сармоягузории давлатӣ 459,9 миллион доллари амрикоиро ташкил медиҳад. Аз ин маблағ 93,2 миллион доллари амрикоӣ ё 20,3 фоизи он маблағҳои грантӣ, 354,7 миллион доллари амрикоӣ ё 77,1 фоиз маблағҳои қарзӣ ва 12,0 миллион доллари амрикоӣ ё 2,6 фоиз саҳми Ҳукумати Ҷумҳурии Тоҷикистон мебошад.
Аз ҷумла, моҳи январи имсол бо Бонки ҷаҳонӣ вобаста ба лоиҳаи «Миллати солим» созишномаҳои грантӣ дар ҳаҷми 57,3 миллион доллари амрикоӣ, бо Бонки исломии рушд /БИР/ барои татбиқи лоиҳаи «Татбиқи стратегияи рушди идоракунии маориф, марҳилаи 2» созишномаҳои қарзию грантӣ ба маблағи 78,0 миллион доллари амрикоӣ, моҳи феврали имсол бо Бонки аврупоии таҷдид ва рушд /БАТР/ оид ба лоиҳаи «Таҷдиди зеристгоҳи Суғд-500» созишномаҳои грантию қарзӣ дар ҳаҷми 36,0 миллион доллари амрикоӣ ба имзо расонида шуданд.
Инчунин моҳи апрели соли 2024 бо Бонки осиёии сармоягузории инфрасохторӣ вобаста ба лоиҳаи «Роҳи Обигарм — Нуробод – пули дароз ва роҳҳои ба он васлшаванда» ба маблағи 75,5 миллион доллари амрикоӣ, бо Бонки исломии рушд барои татбиқи Лоиҳаи «Барқарорсозии роҳи Гулистон-Фархор-Панҷ-Дӯстӣ» (марҳилаи I) ба маблағи 31,0 миллион доллари амрикоӣ, бо Бонки аврупоии таҷдид ва рушд оид ба Лоиҳаи «Таҷдиду навсозии соҳил — Беҳтар намудани ҳаракат дар шаҳри Душанбе» ба маблағи 30,7 миллион доллари амрикоӣ, бо Бонки аврупоии таҷдид ва рушд илова ба созишномаи қарзии Лоиҳаи «Барқарорсозии низоми обтаъминкунӣ ва канализатсияи ноҳияи Файзобод» ба маблағи 1,5 миллион доллари амрикоӣ ва моҳи июни имсол бо Бонки исломии рушд вобаста ба идомаи сохтмони Роғун (Лоти 4 — соҳили чап) ба маблағи 150,0 миллион доллари амрикоӣ созишномаҳо ба имзо расонида шуданд, ки ба рушди соҳаҳои афзалиятноки иқтисодиёти мамлакат нигаронида шудаанд.
Марзия САИДЗОДА,
АМИТ «Ховар»
АКС: АМИТ «Ховар»
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
