Сафири Тоҷикистон дар Амрико дар Форуми сатҳи баланд иштирок намуд
ДУШАНБЕ, 26.09.2026 /АМИТ «Ховар»/. Дар шаҳри Ню-Йорки Иёлоти Муттаҳидаи Амрико (ИМА) Форуми сатҳи баланди рушди минтақавӣ ва сармоягузорӣ таҳти унвони «Фардои шукуфон ба воситаи сулҳ: Сармоягузорӣ ба масири тиҷоратии Транс-Каспий ва TRIPP» (Prosperity Through Peace – Investing in the Trans-Caspian and TRIPP) баргузор гардид, ки дар он Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Завқӣ Завқизода иштирок намуд.
Тавре ба АМИТ «Ховар» аз Сафорати Ҷумҳурии Тоҷикистон дар Иёлоти Муттаҳидаи Амрико хабар доданд, Завқӣ Завқизода изҳор дошт, ки Ҷумҳурии Тоҷикистон таҳти сиёсати хирадмандону созандаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамкории пайваста ва судмандро бо Иёлоти Муттаҳидаи Амрико изҳори қадрдонӣ мекунад.
Таъкид гардид, ки лоиҳаи «Масири тиҷоратии Транс-Каспий», аз ҷумла чаҳорчӯби “TRIPP” барои рушди ҳамгироии нақлиётӣ, тиҷорату сармоягузорӣ, иқтисод ва баланд бардоштани сатҳи зиндагии мардумони кишварҳои Осиёи Марказӣ, Қафқози Ҷанубӣ ва Аврупо манфиатнок арзёбӣ мегардад. Мавқеи географӣ ва стратегии Ҷумҳурии Тоҷикистон барои пайваст намудани ин лоиҳа бо шоҳроҳҳои байналмилалӣ муҳим буда, имкониятҳои иловагӣ эҷод менамояд. Дар робита ба ин Ҷумҳурии Тоҷикистон омодагии худро барои ҳамкории ҳаматарафа бо кишварҳои шарик изҳор дошт.
Дар ин чорабинӣ мансабдорони баландпояи давлатӣ, дипломатҳои байналмилалӣ ва беш аз 40 роҳбарони корпоратсияҳои ҷаҳонӣ стратегияҳои ҳамгироии иқтисодӣ, таҳкими инфрасохтор ва сармоягузории бахши хусусиро дар тӯли хатсайри тиҷоратии Транс-Каспий ва чаҳорчӯби «TRIPP» баррасӣ намуданд.
АКС: Сафорати Ҷумҳурии Тоҷикистон дар Иёлоти Муттаҳидаи Амрико








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






