Ёддошти тафоҳум оид ба ҳамкорӣ байни Хадамоти иҷрои Тоҷикистон ва Вазорати адлияи Қазоқистон ба имзо расид

ДУШАНБЕ, 24.08.2024 /АМИТ «Ховар»/. 22 август дар Душанбе дар доираи сафари давлатии Президенти Ҷумҳурии Қазоқистон дар Тоҷикистон Ёддошти тафоҳум оид ба ҳамкорӣ байни Хадамоти иҷрои назди Ҳукумати Ҷумҳурии Тоҷикистон ва Вазорати адлияи Ҷумҳурии Қазоқистон дар самти иҷрои санадҳои судӣ ва санадҳои дигар мақомот ба имзо расид, хабар медиҳад АМИТ «Ховар».

Имзои санад дар самти иҷрои саривақтии санадҳои судӣ, санадҳои мақомоти давлатӣ ва шахсони мансабдор, инчунин пешгирии қонуншиканиҳо ва саркашӣ кардан аз иҷрои санадҳои судӣ дар Ҷумҳурии Тоҷикистон ва Ҷумҳурии Қазоқистон такони тоза мебахшад.

Ёдовар мешавем, ки  22 август Президенти Ҷумҳурии Қазоқистон муҳтарам Қосим-Жомарт Токаев бо сафари давлатӣ ба Ҷумҳурии Тоҷикистон ташриф оварданд. Пас аз анҷоми мулоқоту музокироти сатҳи олии Тоҷикистон ва Қазоқистон дар ҳузур ва бо иштироки сарони давлатҳо 16 санади нави ҳамкорӣ ба имзо расонида шуд.

АКС: Хадамоти матбуоти Президенти Ҷумҳурии Тоҷикистон/АМИТ «Ховар»