Дар Маркази тадқиқоти стратегӣ тавсеаи минбаъдаи ҳамгироии Тоҷикистон дар минтақаи Осиёи Марказӣ баррасӣ шуд
ДУШАНБЕ, 03.09.2024. /АМИТ «Ховар»/. 2 сентябр мулоқоти директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода бо намояндаи ваколатдори минтақавии Бунёди Конрад Аденауэри Олмон дар Осиёи Марказӣ Андре Алгермиссен баргузор гардид, ки зимни он ҷонибҳо тавсеаи минбаъдаи ҳамгироӣ дар минтақаро баррасӣ намуданд. Дар ин хусус ба АМИТ «Ховар» дар хадамоти матбуоти Маркази тадқиқоти стратегии назди Президенти Ҷумҳурии Тоҷикистон хабар доданд.
Дар мулоқот директори марказ нақши Бунёди Конрад Аденауэрро дар таҳкими ҳамкории минтақавӣ ва глобалии сиёсӣ, бахусус дар фароҳам овардани фазои мусоид барои баррасии маҷмуи масъалаҳои марбут ба минтақаи Осиёи Марказӣ хеле муҳим арзёбӣ намуд.
Таъкид гардид, ки марказ минбаъд низ ба идомаи робитаҳо бо Бунёди Конрад Аденауэр барои ҳамкории созанда ва дастгирии муколамаи доимӣ, ки ба густариши равобити бисёрҷонибаи минтақавӣ равона шудааст, ҳавасманд аст.
Андре Алгермиссен иброз намуд, ки ҳадафи сафари ӯ таҳкими минбаъдаи ҳамкорӣ бо Маркази тадқиқоти стратегии Тоҷикистон ва табодули андешаҳо оид ба татбиқи лоиҳаҳои муштарак дар робита ба минтақаи Осиёи Марказӣ мебошад. Андре Алгермиссен изҳор дошт, ки марказ дар самти омӯзиши вазъи минтақа ва ҷаҳон таҷрибаи хеле бой дорад. Аз ин рӯ, ин фонд барои ҳамкорӣ бо марказ ҳавасманд мебошад.
Зимни мулоқот ҷонибҳо ҳамкории муштаракро дар доираи Ёддошти тафоҳуми соли 2023 баимзорасида мусбат арзёбӣ намуданд.
Тарафҳо изҳори умед карданд, ки ҳамкорӣ байни Маркази тадқиқоти стратегӣ ва Бунёди Конрад Аденауэр дар Осиёи Марказӣ ба тавсеаи минбаъдаи ҳамгироӣ дар минтақа мусоидат менамояд.
Дар идомаи мулоқот ҷонибҳо масъалаҳои ҷории муносибатҳоро баррасӣ намуда, дурнамои рушди онро муҳокима карданд. Инчунин оид ба масъалаҳои муҳими минтақаи Осиёи Марказӣ, аз ҷумла таъмини амният, мубориза бо терроризм ва экстремизми байналмилалӣ, иқтисоди «сабз», тағйирёбии иқлим ва дигар масъалаҳои мубрам табодули назар карда шуд.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
