Дар ноҳияи Ховалинг ду майдончаи варзишии болопӯшидаи футбол ифтитоҳ гардид
ДУШАНБЕ, 05.09.2024 /АМИТ «Ховар»/. Имрӯз дар доираи сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ноҳияи Ховалинг дар ҷамоатҳои шаҳраку деҳоти ноҳия иншооти таъйиноти гуногун мавриди истифода қарор дода шуданд.
Аз ҷумла дар маҳаллаи Сохтмончиён ва деҳаи Доробии ноҳияи Ховалинг ду майдончаи варзишии хурди болопӯшида мавриди истифода қарор гирифтанд.
Сохтмони майдончаҳои варзишии хурди болопӯшида дар назди муассисаи таълимии №6-и ноҳия, воқеъ дар маҳаллаи Сохтмончиёни ҷамоати шаҳраки Ховалинг ва дар деҳаи Доробии Ҷамоати деҳоти Ҷомбахт дар доираи Барномаи корҳои ободонӣ бахшида омодагиҳо ба ҷашни 35-солагии Истиқлоли давлатии Ҷумҳурии Тоҷикистон сохта ба истифода дода шуд.
Майдончаи варзишӣ бо ҷойгиркунонии майдони футбол аз тарафи соҳибкори ватанӣ Ҳасанов Абдулло бо маблағи 2 миллиону 200 ҳазор сомонӣ ҳар кадом дар масоҳати (21х41) 861 метри мураббаъ сохта шуд. Дар рафти корҳои сохтмонӣ аз 20 то 35 сокини маҳаллӣ бо ҷойи кори муввақатӣ ва маоши хуб таъмин гардид.
Майдончаи варзишии болопӯшида имкон медиҳад, ки хонандагони Муассисаи таҳсилоти миёнаи умумии №6 дар вақти машғулияти варзишӣ ва ҷавонони маҳаллаҳои 8-март, Обшорон, Восеъ, Сохтмончиёни ҷамоати шаҳраки Ховалинг ва ҷавонони деҳаи Доробии ҷамоати деҳоти Ҷомбахт бегоҳ дар фаслҳои тобистон ва зимистон ба варзиш машғул шаванд.
Гирду атрофи майдончаҳо бо баландии 6 метр панҷарабандӣ карда шуда, бо чароғҳои равшанидиҳанда таъмин мебошад, ки имкони дар қисмати бегоҳ ва шабона барои бозии футбол муҳайё мебошад.
Ҳамчунин ба варзишгарон туҳфаҳои хотиравӣ ва чанд адад тӯби футбол тақдим ва ба фаъолияти ин майдончаи варзишӣ оғоз бахшида шуд.
АКС: Хадамоти матбуоти раиси вилояти Хатлон
Дар Душанбе ҳамоиши ҷавонону варзишгарон доир шуд
«НАҚШИ ПЕШВОИ МИЛЛАТ ДАР ТАҲКИМИ ИСТИҚЛОЛИ ДАВЛАТӢ». Таҳти чунин унвон дар шаҳри Душанбе ҳамоиш доир шуд
Президенти мамлакат Эмомалӣ Раҳмон дар ноҳияи Ховалинг бинои нави шуъбаи Агентии суғуртаи иҷтимоӣ ва нафақаро ба истифода доданд
Пешвои миллат Эмомалӣ Раҳмон дар ноҳияи Ховалинг бинои «Меҳмонхона — истироҳатгоҳи лаёқатмандон»-ро ифтитоҳ намуданд
Сарвари давлат Эмомалӣ Раҳмон дар ноҳияи Ховалинг бинои маъмурии Кумитаи идораи замин ва Корхонаи давлатии фаръии бақайдгирии молу мулки ғайриманқулро мавриди истифода қарор доданд
Дар ноҳияи Мир Саид Алии Ҳамадонӣ иншооти ҷашнӣ ифтитоҳ гардиданд
Президенти мамлакат Эмомалӣ Раҳмон бинои нави Беморхонаи марказии ноҳияи Ховалингро мавриди истифода қарор доданд
33-СОЛАГИИ ИСТИҚЛОЛИ ДАВЛАТӢ. Дар Кумитаи рушди сайёҳӣ ҳамоиши идона баргузор гардид
ТАРАННУМИ ИСТИҚЛОЛИЯТ. Дар Донишгоҳи байналмилалии сайёҳӣ ва соҳибкории Тоҷикистон ҳамоиши идона доир шуд
Пешвои миллат Эмомалӣ Раҳмон дар ноҳияи Мир Сайид Алии Ҳамадонӣ бо вазъи корҳои саҳроӣ дар ҶДММ «Тоҷ-Агро» шинос шуданд
Сарвари давлат Эмомалӣ Раҳмон дар ноҳияи Мир Сайид Алии Ҳамадонӣ ба фаъолияти Ҳавзи обсофкунӣ оғоз бахшиданд
Ба кормандони соҳаи маориф ва илм мукофотҳои олии давлатӣ ва ҷоизаву унвонҳои фахрӣ супорида шуданд
