Дар шаҳри Москва 33-солагии Истиқлоли давлатии Тоҷикистон таҷлил карда шуд
ДУШАНБЕ, 11.09.2024 /АМИТ «Ховар»/. 9 сентябр Сафорати Ҷумҳурии Тоҷикистон дар Федератсияи Русия ба муносибати 33-солагии Истиқлоли давлатии Ҷумҳурии Тоҷикистон ҳамоиши тантанавӣ баргузор намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Федератсияи Русия хабар медиҳад.
Дар ҳамоиш аъзои Шурои Федератсия, вакилони Думаи давлатӣ, роҳбарияти Вазорати корҳои хориҷӣ ва дигар мақомоти давлатии Федератсияи Русия, инчунин сафирон ва дипломатҳои хориҷӣ, доираҳои сиёсӣ ва ходимони илму фарҳанги давлати иқомат, хабарнигорони воситаҳои ахбори оммаи маҳалӣ, донишҷӯёни тоҷик ва ҳамватанони муқими Русия ҳузур доштанд.
Сафири Фавқулода ва Мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода дар бораи дастовардҳои ҷумҳурӣ дар даврони Истиқлоли давлатӣ, ҳадафҳои стратегии мамлакат, ташаббусҳои байналмилалии Тоҷикистон ва ҳамкории давлати мо бо давлатҳои дигар, алалхусус бо Федератсияи Русия ва ташкилоти байналмилалӣ сухан гуфт.
Дар назди ҳозирин аз номи Федератсияи Русия муовини вазири корҳои хориҷии Федератсияи Русия Андрей Руденко суханронӣ кард. Андрей Руденко ҳозиринро ба муносибати ҷашни Истиқлоли давлатии Ҷумҳурии Тоҷикистон табрик гуфта, ба мардуми дӯсти тоҷик сулҳу осоиш ва шукуфоӣ таманно намуд.
Чорабиниро барномаи фарҳангӣ, ки таҷассумгари таърихи бостонӣ, фарҳанги ғанӣ ва бозгӯи анъанаҳои деринаи халқи тоҷик буд, пуршукуҳ гардонид.
Зимни ҳамоиш дар саҳни толори меҳмонхона намоишгоҳи молу маҳсулоти саноатӣ, меваҳои тару тоза, хушкмеваҳо, маҳсулоти ҳунарҳои мардумӣ, аз қабили сӯзанӣ, чакандӯзӣ ва либосҳои миллии Тоҷикистон ташкил гардида, инчунин маводи иттилоотии сайёҳии мамлакат, мусаввараҳои рассомони тоҷик ва дигар ашё ба маърази тамошо гузошта шуданд.
Ҳамчунин ба ифтихори Рӯзи Истиқлоли давлатии Ҷумҳурии Тоҷикистон дар биноҳои баландошёнаи шаҳри Москва ва фурудгоҳҳои он ба тарзи видеоролик Парчами давлатии Тоҷикистон парафшон гардид.
АКС: Сафорати Ҷумҳурии Тоҷикистон дар Федератсияи Русия
Дар Берлин ҳамкории тиҷоратию иқтисодии Тоҷикистон ва Олмон баррасӣ карда шуд
Дурнамои рушди ҳамкории Тоҷикистону сохторҳои Созмони Милали Муттаҳид баррасӣ гардид
Масъалаи иштироки ҳайати Тоҷикистон дар Конфронс оид ба тағйирёбии иқлим дар Анталия баррасӣ гардид
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Сафири Тоҷикистон бо роҳбари иҷроияи ширкати олмонии «Knauf» Мурат Акилдиз мулоқот намуд
Сафири Тоҷикистон бо Вазири саноати Алҷазоир мулоқот намуд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Фаррух Шарифзода бо Дабири кулли қолаби «Осиёи Марказӣ – Чин» Сун Вэйдун мулоқот намуд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
Ҳамкории Тоҷикистон ва Кувайт дар соҳаи фарҳанг баррасӣ гардид
Дар Пекин масъалаҳои муҳими ҳамкории Тоҷикистон ва Чин баррасӣ гардид
