Директори Коллеҷи тиббии ҷумҳуриявии Тоҷикистон дар Қазоқистон сазовори ҷоизаи байналмилалӣ дар ИДМ гардид
ДУШАНБЕ, 15.09.2024 /АМИТ «Ховар»/. Директори Коллеҷи тиббии ҷумҳуриявии Тоҷикистон Шаҳло Ашуриён дар Қазоқистон барои саҳмгузорӣ дар самти рушди низоми маорифи мамлакатҳои аъзои Иттиҳоди Давлатҳои Мустақил сазовори ҷоизаи байналмилалӣ гардид. Дар ин хусус ба АМИТ «Ховар» дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар доданд.
Ҷоиза дар шаҳри Душанбе дар вазъияти тантанавӣ ба Шаҳло Ашуриён тақдим гардид.
Шаҳло Ашуриён ба ҳайси сарвари Коллеҷи тиббии ҷумҳуриявӣ дар самти шаклгирии бештару беҳтари низоми маориф, махсусан фаъолияти хуб нишон додани Коллеҷи тиббӣ ва суханронӣ дар чорабиниҳои байналмилалӣ сазовори ин ҷоиза дониста шуд.
Зимни тақдими ҷоиза иброз гардид, ки соҳаи илму маориф низоми калидии пешрафту тараққиёти давлату миллат мебошад. Бинобар ин Ҳукумати Ҷумҳурии Тоҷикистон ба ин соҳа таваҷҷуҳи махсус зоҳир намуда, ба рушди илму маориф афзалияти аввалиндараҷа медиҳад.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
