Табиби тоҷик Сурайё Шукурова соҳиби ҷоизаи ҷаҳонӣ гардид
ДУШАНБЕ, 10.09.2024 /АМИТ «Ховар»/. Табиби тоҷик, профессор Сурайё Шукурова бо ҷоизаи Лигаи зиддитарбодии мамлакатҳои Осиё ва Уқёнуси Ором (APLAR) қадрдонӣ гардид. Ҷоиза мукофоти бонуфузи тиббӣ дар арсаи ҷаҳонӣ мебошад. Дар ин хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Ҷаласаи навбатии Лигаи зиддитарбодии мамлакатҳои Осиё ва Уқёнуси Ором аз 21 то 25 августи соли 2024 дар Сингапур бо иштироки зиёда 25 ҳазор намояндаи соҳаи тарбодшиносӣ ва инчунин табибони дигар соҳаҳо баргузор гардид. Дар он аз Ҷумҳурии Тоҷикистон профессор Сурайё Шукурова бо шогирдонаш иштирок намуд.
Дар ҷаласаи Лигаи зиддитарбодии мамлакатҳои Осиё ва Уқёнуси Ором аз байни мамлакатҳои дунё Сурайё Шукурова барои хизматҳои барҷаста дар соҳаи тарбодшиносӣ тавассути таълим, таҳқиқот ва хизматҳои касбӣ дар минтақаи Лигаи зиддитарбодии мамлакатҳои Осиё ва Уқёнуси Ором, гузоштани саҳм дар ин соҳа ва омода намудани тарбодшиносони ҷавон дар Ҷумҳурии Тоҷикистон бо ҷоизаи фахрии APLAR-MASTER-AWARD қадрдонӣ карда шуд.
Ёдовар мешавем, ки Лигаи зиддитарбодии мамлакатҳои Осиё ва Уқёнуси Ором — APLAR (Asia Pacific League of Associations for Rheumatology) соли 1963 дар Сидней таъсис ёфта, зиёда аз 25 ҳазор тарбодшиносонро аз саросари олам муттаҳид мекунад. Тарбодшиносони Тоҷикистон низ аъзои фаъоли ин лига ба ҳисоб мераванд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
НИШАСТИ МАТБУОТӢ. Дар шаш моҳи соли равон шумораи хизматчиёни давлатӣ аз ҳисоби занон афзоиш ёфтааст
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Беш аз 2970 нафар дар асоси иҷрои Қонуни Тоҷикистон «Дар бораи авф» ба озодӣ баромаданд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Шабакаи алоҳидаи телевизионии таълими забонҳои хориҷӣ таъсис меёбад
Дар Ваколатдор оид ба ҳуқуқи инсон бахшида ба ташаббуси навбатии ҷаҳонии Тоҷикистон ҳамоиш баргузор гардид
Дар Тоҷикистон 15 телевизион ва 10 радиои давлатӣ, 16 телевизион ва 25 радиои хусусӣ фаъолият доранд
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
