ЗИМИСТОНГУЗАРОНӢ. Барои чорво дар сармо хӯроки дурушт ва ширадор захира гардидааст
ДУШАНБЕ, 25.10.2024 /АМИТ «Ховар»/. Тибқи нақша, имсол бояд 2 361 626 тонна хӯроки дурушт ва 104 340 тонна хӯроки ширадор барои чорвои хурду калон захира карда шавад. Дар нуҳ моҳи соли равон 2 397 799 тонна хӯроки дурушт ва 61 854 тонна хӯроки ширадор захира карда шудааст, ки нисбат ба ҳамин давраи соли 2023 хӯроки дурушт 5,1 фоиз ва хӯроки ширадор 7 фоиз зиёд мебошад. Дар ин хусус ба АМИТ «Ховар» дар Вазорати кишоварзии Ҷумҳрии Тоҷикистон иттилоъ доданд.
Бобати сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025 Ситоди байниидоравӣ таъсис дода шудааст. Он захираи хӯроки чорво ва муташаккилона рондани чорворо аз чарогоҳҳои тобистона ба зимистона назорат менамояд.
Барои рондани чорво аз чарогоҳҳои зимистонаю баҳорона ба чарогоҳҳои тобистона дар мавзеъҳои муҳим, хусусан дар сарҳадҳои байниноҳиявию байниминтақавӣ бо мақсади интиқол наёфтани ангезандаҳои бемориҳои сироятии чорво аз як ноҳия ба ноҳияи дигар ва аз як минтақа ба минтақаи дигар 21 нуқтаи назоратӣ ва байторӣ бо маводи безараргардонӣ ва дигар лавозимот таъмин гардида, фаъолияти онҳо тибқи реҷаи шабонарӯзӣ ба роҳ монда шудааст.
Бо сабаби паст шудани ҳарорати обу ҳаво рондани чорво аз чарогоҳҳои баландкӯҳ ба чарогоҳҳои наздикӯҳӣ ва тирамоҳию зимистона оғоз гардидааст. Ҳамагӣ дар ҷумҳурӣ 440 рама, 447 935 сар чорвои майдаи шохдор ва ё 13 фоиз саршуморе, ки ба чарогоҳҳои тобистона ронда шуда буданд, баргашта, дар мавзеъҳои зимистонгузаронӣ ва дигар мавзеъҳои наздикӯҳӣ қарор доранд.
Бояд гуфт, ки дар ҳамаи шаклҳои хоҷагидории ҷумҳурӣ шумораи чорвои калон ба 2747,6 ҳазор сар (нисбат ба ҳамин давраи соли 2023 4,6 фоиз зиёд), қутос -29,4 ҳазор гӯсфанду буз- 7104,9 ҳазор ва асп ба 90,6 ҳазор сар баробар аст.
АКС: АМИТ «Ховар»
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
