Бахшида ба Рӯзи забони давлатӣ дар Агентии омор ҷаласаи тантанавӣ баргузор шуд
ДУШАНБЕ, 05.10.2024 /АМИТ «Ховар»/. Дар Агентии омори назди Президенти Ҷумҳурии Тоҷикистон бахшида ба Рӯзи забони давлатӣ ҷаласаи тантанавӣ баргузор гардид, ки дар он вобаста ба арзшиҳои бемисли забони ноби тоҷикӣ ибрози андеша карда шуд.
Тавре ба АМИТ «Ховар» дар Агентии омор хабар доданд, дар ҳамоиш иброз гардид, ки дар шароити кунунӣ ҳифз ва рушди забони тоҷикӣ, истифода ва риоя аз истилоҳоти забони тоҷикӣ дар ҳамаи самтҳои фаъолият мояи пешрафти кор дар соҳа хоҳад буд.
Забони тоҷикӣ яке аз рукнҳои асосии ҳастии миллат, бақои давлату давлатдории миллӣ ва рамзи ҳамбастагию иттиҳоди воқеии тамоми сокинони Тоҷикистон ва кулли тоҷикони ҷаҳон аст.
Дар солҳои Истиқлоли давлатӣ аз ҷониби Ҳукумати Ҷумҳурии Тоҷикистон таҳти сарварии Президенти ҷумҳурӣ муҳтарам Эмомалӣ Раҳмон дар самти ҳифз ва нигоҳдошти забон тадбирҳои судманд андешида шудаанд. Маҳз бо иқдоми Пешвои миллат мавқеи забони тоҷикӣ устувор гардид. Ин аст, ки дар чорабиниҳои сатҳи байналмилалӣ аз минбарҳои баланди созмонҳои бонуфузи байналмилалӣ, назири Созмони Милали Муттаҳид Сарвари давлати Тоҷикистон муҳтарам Эмомалӣ Раҳмон бо забони ноби тоҷикӣ сухан намуда, ҷомеаи ҷаҳонро ба ҳалли масъалаҳои мубрами сайёра даъват менамоянд. Садо додани суханрониҳои Сарвари давлат бо забони давлатӣ аз минбарҳои баланди созмонҳои муътабари байналмилалӣ мояи ифтихори ҳар тоҷику тоҷикистонӣ мебошад.
Дар ҳамоиш аз ҷониби намояндаи Кумитаи забон ва истилоҳоти назди Ҳукумати Ҷумҳурии Тоҷикистон муҳимтарин масъалаҳои забон ва таҳкими минбаъдаи он мавриди баррасӣ қарор гирифтанд. Баён гардид, ки мояи ифтихор аст, ки имрӯз забони тоҷикӣ рушд намуда, ҳамчун забони илм муаррифӣ мешавад.
АКС: Агентии омори назди Президенти Ҷумҳурии Тоҷикистон
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
