Беморхонаи марказӣ ва муассисаҳои таълимии ноҳияи Хуросон ба давраи зимистон омода мебошанд
ХУРОСОН, 10.10.2024 /АМИТ «Ховар»/. Мақомоти иҷроияи ҳокимияти давлатии ноҳияи Хуросон оид ба иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёту иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025» аз ҳисоби буҷаи маҳаллӣ як миллиону 288 ҳазору 941 сомонӣ маблағгузорӣ намудааст, ки ба 108,7 фоизи нақшаи пешбинишуда баробар мебошад. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Хуросон иттилоъ доданд.
Кормандони шуъбаи маорифи ноҳияи Хуросон гуфтанд, ки то имрӯз барои давраи зимистон 69 муассисаи таълимию томактабии ноҳия 593 тоннаю 143 кг ангишт, 444 метри мукааб ҳезум ва 1556 литр сӯзишвории дизелӣ захира намудаанд. Ҳамчунин дар ҳамаи муассисаҳои таълимии ноҳия бухорӣ, генераторҳои барқӣ ва дастгоҳҳои гармидиҳии барқӣ омода мебошанд.
Беморхонаҳои марказии ноҳияи Хуросон ва беморхонаҳои минтақавии он бо зиёда аз 17 тонна ангишти хушсифат таъмин карда шудаанд. Ҳамчунин Маркази саломатии ноҳиявӣ ва марказҳои саломатии деҳоту бунгоҳҳои тиббӣ бо 7500 кг ангишт, 55 гармкунаки барқӣ, 46 печкаи аловӣ ва 3 генератори барқии коршоям таъмин мебошанд.
Тибқи иттилои масъулини Мақомоти иҷроияи ҳокимияти давлатии ноҳияи Хуросон, захиранамоии маводи сӯхт дар сохторҳои буҷетии ноҳия дар асоси нақшаи тасдиқшуда ва барои дар сатҳи баланд гузаронидани зимистони дарпешистода идома дорад.
АКС: АМИТ «Ховар»
Доир ба нақши Мавлоно дар ташаккули фарҳанги сулҳ конференсияи илмӣ-амалӣ баргузор шуд
Рӯзи дуюми Форуми дуюми сулҳи Фарғона таҳти унвони «Ынтымак» (Рӯзи ягонагӣ) доир шуд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик конференсияи илмӣ доир шуд
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
