Бо мусоидати Академияи миллии илмҳои Тоҷикистон ба Маркази ҷумҳуриявии илмии саратоншиносӣ дастгоҳи муосири рентгенӣ дастрас гардид
ДУШАНБЕ, 15.10.2024 /АМИТ «Ховар»/. Бо мусоидати Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон ҳамчун ҳамоҳангсози миллӣ ва маблағгузории Агентии байналмилалии неруи атомӣ (АБНА) ба Маркази ҷумҳуриявии илмии саратоншиносии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дастгоҳи нави пешрафтаи рентгении навъи «Ортоволтаж» дастрас гардид. Дар ин хусус ба АМИТ «Ховар» дар Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Ин навъи технологияи муосир барои табибони марказ шароит фароҳам меорад, ки дар беморони дорои варамҳои пӯст ва сатҳи болоӣ ташхис ва табобати дақиқи саратон гузаронанд.
Зимни муаррифии таҷҳизот вобаста ба зарурат ва муҳимияти он дар рушди илми тиб, табобати беморони гирифтори саратон ва хизматрасонӣ ба аҳолӣ маълумот дода шуд. Дастрас гардидани дастгоҳи нави рентгенӣ, яъне «Ортоволтаж» марҳилаи нав барои беҳтар намудани усулҳои табобати гирифторони бемории саратон ва муолиҷаи он дар муассисаҳои тиббии мамлакат арзёбӣ мегардад. Ҳамин аст, ки бо дастгирии Ҳукумати мамлакат дар ҳамкорӣ бо шарикони рушд мо ба сӯи ояндае қадам мегузорем, ки аҳолӣ ба табобати муассир ва дақиқтар дастрасӣ пайдо менамояд.
Маркази ҷумҳуриявии илмии саратоншиносӣ яке аз муассисаҳои пешқадами соҳаи тиб дар самти мубориза ва табобати бемории саратон дар Тоҷикистон арзёбӣ мегардад. Бо дастрас гардидани дастгоҳи нави рентгенӣ, ки он метавонад радиатсияро ба варамҳои наздики сатҳи пӯст расонда, зарари бофтаҳои солимро коҳиш диҳад, ҳоло ин марказ аз ин имконият истифода бурда, бо усулҳои нав дар самти пешгирӣ, мубориза ва муолиҷаи саратон дар ҷумҳурӣ қадамҳои устувор мегузорад.
Дастгоҳи дастарсгардида натиҷаи кӯшишҳои байналмилалии ҷониби Тоҷикистон барои таҳкими зерсохтори соҳаи тандурустӣ, беҳтар намудани шароити табобати саратон, фарогирии аҳолӣ ба имконияти соҳаи тиб ва бехатарии радиатсионӣ дар Ҷумҳурии Тоҷикистон мебошад. Ин ҳамкорӣ талошҳои пайвастаро барои таъмини истифодаи бехатар ва муассири технологияҳои радиатсионӣ дар соҳаи тиб бо риояи талаботи байналмилалии бехатарии радиатсионӣ инъикос менамояд.
Дар ин замина Агентии амнияти химиявӣ, биологӣ, радиатсионӣ ва ядроӣ ҳамкориро бо шарикони рушд ва байналмилалӣ барои таҳкими инфрасохтори соҳаи тиб бо мақсади муҷаҳҳаз гардонидани технологияҳои нав дар соҳаи бехатарии радиатсионӣ, табобати нурӣ ва ҳифзи саломатӣ идома медиҳад.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
БАРНОМАИ РУШДИ РОҲНАМОИ КАСБ. Татбиқи он имкон медиҳад, ки шумораи аҳолии бо ҷойи кор таъминшуда ҳамасола 2-2,2 фоиз афзоиш ёбад
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
Дар минтақаи Кӯлоб шумораи нафақагирон беш аз 127 ҳазор нафарро ташкил медиҳад
Ба 12 оилаи аз офати табиӣ зарардидаи ноҳияи Абдураҳмони Ҷомӣ қитъаи замини наздиҳавлигӣ ҷудо гардид
