Дар Душанбе Ҷаласаи IX Шурои роҳбарони хадамоти пенитенсиарии кишварҳои узви Иттиҳоди Давлатҳои Мустақил оғоз гардид

ДУШАНБЕ, 16.10.2024 /АМИТ «Ховар»/. Имрӯз дар шаҳри Душанбе Ҷаласаи IX Шурои роҳбарони хадамоти пенитенсиарии* (иҷрои ҷазо)-и кишварҳои узви Иттиҳоди  Давлатҳои Мустақил ба кори худ оғоз намуд, хабар медиҳад мухбири АМИТ «Ховар».

Дар ҷаласа намояндагони Тоҷикистон, Қазоқистон, Қирғизистон, Узбекистон, Беларус, Русия, Кумитаи иҷроияи Иттиҳоди Давлатҳои Мустақил, Маркази зиддитеррористӣ ва  Бюрои ҳамоҳангсозии мубориза бо ҷиноятҳои муташаккил иштирок доранд.

Дар чорабинӣ мавриди баррасӣ қарор гирифтани   масъалаҳои мубрам вобаста ба ҳамкорӣ ва рушди хадамоти пенитенсиарии давлатҳои аъзои Иттиҳоди давлатҳои Мустақил дар назар дошта шудааст.

Хадамоти пенитенсиарӣ (ҷиноятӣ-иҷроӣ)  аз калимаи лотинии poenitentia «пушаймонӣ» гирифта шуда, мақомоти ҳифзи ҳуқуқ, дастгоҳи маҷбуркунандаи давлатиест, ки барои иҷрои ҷазоҳои ҷиноятие, ки тибқи қонун ба шаҳрвандон таъйин карда мешаванд, масъул аст.

АКС: АМИТ «Ховар»