Дар Душанбе робитаҳои фарҳангии Тоҷикистон ва Қатар мавриди баррасӣ қарор гирифтанд
ДУШАНБЕ, 16.10.2024 /АМИТ «Ховар»/. Имрӯз дар доираи баргузори Рӯзҳои фарҳанги Давлати Қатар дар Ҷумҳурии Тоҷикистон, вохӯрии Вазири фарҳанги Ҷумҳурии Тоҷикистон Матлубахон Сатториён бо Вазири фарҳанги Давлати Қатар-Шайх Абдураҳмон ибни Ҳамад ибни Ҷосим оли Сонӣ баргузор гардид.
Тавре дар Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, дар вохӯрӣ ҷонибҳо доир ба таҳкими робитаҳои фарҳангӣ байни ду давлат мубодилаи афкор намуданд.
Инчунин ҳайати меҳмонон бо осорхонаи Китобхонаи миллии Тоҷикистон шинос гардид.
Имрӯз соати 18:00 дар Театри давлатии опера ва балети ба номи Садриддин Айнӣ Рӯзҳои фарҳанги Давлати Қатар дар Ҷумҳурии Тоҷикистон ифтитоҳ меёбанд. Зимни он дар майдони 800-солагии Москва намоиши ҳунарҳои мардумӣ ва хӯрокҳои миллии Давлати Қатар пешниҳоди тамошобинон ва меҳмонон гардонида мешаванд.
Инчунин ҳайати расмӣ Осорхонаи миллии Тоҷикистон ва Масҷиди ҷомеи марказии шаҳри Душанбе ба номи «Имоми Аъзам — Абуҳанифа Нуъмон ибни Собит»-ро тамошо мекунад. Ҳамзамон меҳмонон ба шаҳри Норак сафар намуда, бо «Боғи анор» ва Неругоҳи барқи обии «Норак» шинос мешаванд.
Бояд гуфт, ки барномаи фарҳангии аҳли ҳунари Давлати Қатар 17-18 октябр, соати 18:30 пешкаши тамошобинон мегардад.
АКС: АМИТ «Ховар»
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
Дар Тоҷикистон филми бо истифодаи зеҳни сунъӣ офаридаи коргардони тоҷик соҳиби ҷоизаи миллӣ шуд
