Дар Душанбе Симпозиуми байналмилалии «Саҳми Абунасри Форобӣ дар илм ва тамаддуни ҷаҳон» баргузор шуд
ДУШАНБЕ, 17.10.2024 /АМИТ «Ховар»/. 16 октябр дар Академияи миллии илмҳои Тоҷикистон Симпозиуми байналмилалии «Саҳми Абунасри Форобӣ дар илм ва тамаддуни ҷаҳон» баргузор шуд, хабар медиҳад АМИТ «Ховар».
Президенти Академияи миллии илмҳо Қобилҷон Хушвахтзода иброз намуд, ки Абунасри Форобӣ аз бузургони фалсафа ва донишмандони асримиёнагӣ, намояндаи мактаби машшоияи шарқӣ буда, ақидаҳо, назарияҳо ва консепсияҳои илмии ӯ гуногунҷанба ҳастанд. Бо вуҷуди ин, донишмандони ватанӣ ва хориҷӣ барои таҳқиқи масъалаҳо ва нуктаҳои норавшани таълимоти Форобӣ таҳқиқоти бунёдӣ анҷом медиҳанд. Ва ба ин васила, аз як тараф, дар рушди илмҳои гуногуни табиатшиносӣ ва инсоншиносию ҷомеашиносӣ саҳм мегузоранд ва аз тарафи дигар, насли имрӯзаро аз афкори пешқадами мутафаккироне, ба мисли Абунасри Форобӣ воқиф мегардонанд.
Симпозиум дар ду бахш: «Даврон ва муҳити маънавии Абунасри Форобӣ» ва «Саҳми Абунасри Форобӣ дар рушди илм ва фарҳанги ҷаҳонӣ. Абунасри Форобӣ ва даврони муосир» доир шуда, дар он зиёда аз 60 маъруза баррасӣ гардид.
Дар симпозиум муҳаққиқон аз Фаронса, Русия, Узбекистон, Қазоқистон ва Озарбойҷон ба тариқи ҳузурӣ ва маҷозӣ иштирок намуданд.
АКС: Академияи миллии илмҳои Тоҷикистон
Ба муносибати 35-солагии муносибатҳои дипломатии Тоҷикистону Чин конфронси байналмилалӣ доир шуд
Дар Тоҷикистон рақамикунонии низоми нафақа тақвият меёбад
Дар Кӯлоб бахшида ба Рӯзи Президент конференсияи илмӣ-амалӣ баргузор шуд
Муовини Сарвазири Тоҷикистон ба ифтихори Рӯзи Президент дар Академияи идоракунии давлатӣ ҳафтаи ҷашниро ифтитоҳ намуд
ПРЕЗИДЕНТ — РАМЗИ ВАҲДАТ, СУБОТ ВА ДАВЛАТДОРИИ МИЛЛӢ. Дар ноҳияи Фирдавсӣ ҳамоиши сиёсиву фарҳангӣ баргузор шуд
Исломиддин Раҳмон: «Иҷлосияи тақдирсоз ва Рӯзи Президент саҳифаи тиллоӣ дар таърихи давлатдории тоҷикон мебошанд»
Cозишнома оид ба ҳамкории вазоратҳои адлияи давлатҳои иштирокдори ИДМ ба имзо расид
Таҳкими ҳамкории илмӣ-таҳқиқотӣ байни Тоҷикистон ва Швейтсария баррасӣ шуд
Иммунизатсия яке аз усулҳои муҳими ҳифзи саломатии кӯдакон мебошад
Дар Рашт бинои нави шуъбаи Хадамоти давлатии оташнишонӣ ба истифода дода шуд
Дар фурудгоҳҳои байналмилалии Тоҷикистон бо шаҳрвандон корҳои иттилоотию фаҳмондадиҳӣ гузаронида шуданд
Ҳамкории Тоҷикистон ва Қазоқистон дар соҳаи тандурустӣ густариш меёбад
