Дар Фаронсаи Марказӣ баъди бориши рекордӣ ва обхезии шадидтарин дар 40 соли охир барқарорсозӣ идома дорад
ДУШАНБЕ, 21.10.2024 /АМИТ «Ховар»/. Дар департаментҳои Ардеш ва Лозери Фаронса давоми 48 соат то 700 миллиметр борон борид, ки боиси шадидтарин обхезӣ дар 40 соли охир гардид, хабар медиҳад Kazinform бо истинод ба Euronews.
Баъди ду рӯзи боронгарии шадид корҳои тозакунии мавзеъҳои зарардида шуруъ шуданд.
Нахуствазири Фаронса Мишел Барнйе хабар дод, ки дар саросари кишвар қариб 2300 амалиёти наҷот анҷом дода шуд. Вай гуфт, ки тағйирёбии иқлим хатари ин гуна офатҳоро зиёд мекунад ва аҳамияти омодагӣ ба онҳоро дар сатҳи тамоми Иттиҳоди Аврупо таъкид намуд. Барнйе инчунин аз системаи огоҳии FR Alerte ёдовар шуд, ки бори аввал барои огоҳ кардани шаҳрвандон дар бораи бекор кардани сафарҳо ва мондан дар минтақаҳои бехатар истифода гардид.
Зиёда аз 1000 нафар тахлия шуданд, вале аксар рӯзи ҷумъа ба хона баргаштанд. Оператори миллии роҳи оҳани SNCF аз сабаби пуроб будани роҳҳо ҳаракати қатораҳо байни Лион ва Сент-Этйенро боз дошт ва шоҳроҳи асосии байни ин шаҳрҳо низ баста шуд.
Субҳи рӯзи ҷумъа пешгӯиҳои Météo-France беҳтар шуданд: сатҳи сурхи хатар бекор карда шуд, аммо ҳушдорҳо оид ба эҳтимоли боронҳои шадид ва обхезӣ дар ҷанубу ғарби кишвар боқӣ мондаанд.
АКС аз манбаъҳои боз
«Интернет барои хона» боз дар се маҳаллаи дигари Душанбе пайдо шуд
Имрӯз дар Тоҷикистон ҳавои тағйирёбанда пешгӯӣ мешавад
Дар вилояти Суғд Фестивал-озмуни ҷумҳуриявии «Сайри гули лола» ҷамъбаст гардид
Дар шаҳри Бӯстон доир ба тарбияи ватандӯстии ҷавонон ҳамоиш доир гардид
Попи Рим Франсиск дар 88-солагӣ даргузашт
Табодули академӣ ва таҷрибаомӯзии донишҷӯёни Тоҷикистон ва Лаҳистон бештар мегардад
«ИЛМ-АСОСИ РУШДИ ИННОВАТСИОНӢ». Дар Донишгоҳи техникии Тоҷикистон конференсияи байналмилалӣ доир шуд
Имрӯз дар ноҳияҳои алоҳидаи кӯҳии Тоҷикистон бориши борон дар назар аст
Кишоварзони Шаҳринав дар 300 гектар пунбадона кишт менамоянд
Дар Ҳисор як саги бесоҳиб ба 8 нафар осеб расонид, ки 5 нафари он кӯдакон мебошанд
Дар ноҳияи Мастчоҳ бо мақсади пешгирии паҳншавии малах корҳои безараргардонӣ гузаронида шуданд
Кишоварзони ноҳияи Шаҳристон дар 1735 гектар картошка кишт менамоянд
