Доир ба 30 соли рушд дар ҷодаи таҳлил ва таҳқиқ дар шароити давлатдории миллӣ ҳамоиш баргузор шуд
ДУШАНБЕ, 25.10.2024. /АМИТ «Ховар»/. Имрӯз, 25 октябр дар шаҳри Душанбе бахшида ба 30-солагии таъсиси Маркази тадқиқоти стратегии назди Президенти Ҷумҳурии Тоҷикистон таҳти унвони «30 соли рушд дар ҷодаи таҳлил ва таҳқиқ дар шароити давлатдории миллӣ» конфронси ҷумҳуриявии илмӣ-амалӣ баргузор гардид.
Тавре мухбири АМИТ «Ховар» хабар медиҳад, мақсади баргузории конфронс нақш ва арзёбии ҷойгоҳи Маркази тадқиқоти стратегӣ ва саҳми он дар самти омӯзиш ва таҳлили равандҳои муосири дохилию хориҷӣ, таҳлилу натиҷагирии вазъи соҳаҳои гуногуни мамлакат, хусусан сиёсати дохилию хориҷӣ ва таҳлилу арзёбии дастовардҳо дар солҳои соҳибистиқлолӣ арзёбӣ гардид.
Ташаккули Маркази тадқиқоти стратегии назди Президенти Ҷумҳурии Тоҷикистон бо марҳилаҳои гуногуни тараққиёти мамлакат алоқамандии зич дорад.
Бо шарофати сиёсати дурандешона ва илммеҳварии Пешвои миллат муҳтарам Эмомалӣ Раҳмон давоми се даҳсола марказ ҳамчун муассисаи илмӣ ба абзори муҳиме табдил ёфт, ки дурнамои стратегии давлатро ташаккул медиҳад. Он ҳамчунин дар кори муайян намудани самтҳои асосии давлатӣ дар шароити мураккаб ва тағйирёбанда саҳми назаррас мегузорад.
Имрӯз Маркази тадқиқоти стратегӣ ба маркази зеҳнӣ табдил ёфта, таҷриба ва дониши олимони варзида, сиёсатшиносон, иқттисоддонҳо ва мутахассисони гуногункасбро муттаҳид мекунад.
Директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода иброз дошт, ки дар шароити имрӯза марказ хусусият ва масъалаҳои шароити сиёсӣ, иқтисодӣ ва иҷтимоиии ҳар марҳилаи охири асри 20 ва оғози асри 21-ро мавриди таҳлил қарор додааст. Аз ҷумла, даҳсолаи сеюми асри XXI ба давраи ҷустуҷӯйи роҳҳои самтҳои таъмини амнияти сиёсӣ, иҷтимоӣ, иқтисодӣ ва шаклгирии пояҳои ниҳодии рушди мамлакат рост меояд.
«Нақши Марказ давоми чанд соли охир дар афкори созандаю бунёдкоронаи ҷомеа, ташаккул додани сиёсати иҷтимоии замонавӣ, таҳлилу баррасии масъалаҳои иқтисодию фарҳангӣ ва илман исбот намудани моҳияти равандҳои дар ҷомеаи навини тоҷик зуҳурнамуда назаррас арзёбӣ мешавад»,-баён дошт Хайриддин Усмонзода.
Ёдовар мешавем, ки дар конфронс масъалаҳои нақши Маркази тадқиқоти стратегии назди Президенти Ҷумҳурии Тоҷикистон ҳамчун ниҳоди илмӣ-таҳқиқотии машваратӣ дар ташаккул ва рушди сиёсати дохилию хориҷии давлат, ҷойгоҳ ва мавқеъгирии марказ дар омӯзиш ва таҳлилу баррасии масъалаҳои мубрами муосир, дастовард ва комёбиҳои марказ давоми 30 соли фаъолият, вазъи иқтидори кадрӣ ва тарбияи коршиносони соҳибтахассус, нақш ва ҷойгоҳи марказ дар ташаккул ва рушди низоми сиёсӣ баррасӣ гардиданд.
Моҳинави НАВРӮЗ,
АМИТ «Ховар»
АКС: АМИТ «Ховар»
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
Таҷассум ва густариши сиёсати инсонмеҳваронаи Пешвои миллат дар пасманзари қабули Қонуни Ҷумҳурии Тоҷикистон «Дар бораи авф»
Дар шаҳри Санкт-Петербург Форуми XIV байналмилалии ҳуқуқӣ оғоз гардид
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
