Доир ба дастовардҳо ва дурнамои рушди биологияи таҷрибавӣ дар Тоҷикистон конференсияи байналмилалӣ баргузор шуд
ДУШАНБЕ, 02.10.2024 /АМИТ «Ховар»/. 1 октябр дар Академияи миллии илмҳои Тоҷикистон бахшида ба таъсиси Институти ботаника, физиология ва генетикаи растании Академияи миллии илмҳои Тоҷикистон ва 33-солагии Истиқлолияти давлатии Ҷумҳурии Тоҷикистон таҳти унвони «Дастовардҳо ва дурнамои рушди биологияи таҷрибавӣ дар Тоҷикистон» конференсияи байналмилалии илмӣ-амалӣ баргузор шуд.
Тавре АМИТ «Ховар» бо истинод ба Академияи миллии илмҳо хабар медиҳад, дар конференсия мутахассисони муассисаҳои илмию таҳқиқотии Академияи миллии илмҳои Тоҷикистон, олимон аз Русия, Узбекистон, Қазоқистон, Беларус ва намояндагони созмонҳои байналмилалӣ иштирок намуданд.
Президенти Академияи миллии илмҳои Тоҷикистон Қобилҷон Хушвахтзода иброз дошт, ки маҳз дар замони соҳибистиқлолӣ таҳти сарварии Президенти Тоҷикистон муҳтарам Эмомалӣ Раҳмон Тоҷикистон ба дастовардҳои бузурги илмӣ ноил гардид. Дар ин замина Академияи миллии илмҳои Тоҷикистон ҳамчун маркази бонуфузи илмии ҷумҳурӣ дар пешрафти соҳаҳои афзалиятноки ҷумҳурӣ саҳми босазо дорад.
Соҳаи биологияи ҷумҳурӣ рушди бештар ёфта, олимону муҳаққиқони муассисаҳои илмию таҳқиқотӣ дар ин самт корҳои муҳим ба сомон расониданд.
Дар конференсия олимони Институти ботаника, физиология ва генетикаи растанӣ доир ба таърихи таъсиси институт ва рушди дурнамои соҳаи биологияи ҷумҳурӣ маъруза намуданд.
АКС: Академияи миллии илмҳои Тоҷикистон
«МАКТАБИ МОДАРОН». Дар шаҳру ноҳияҳои вилояти Хатлон ҳамоиши тарғиботӣ доир мегардад
Дар шаҳри Хоруғ ҷашни Сада бо русуми аҷдодӣ таҷлил гардид
3 феврал дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Имрӯз дар Тоҷикистон ҳаво абрнок мешавад
Имрӯз дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
Байни Институти илмӣ-тадқиқотии сайёҳӣ ва соҳибкорӣ ва Иттифоқи дӯстии Роҳи абрешим дар Тоҷикистон шартномаи ҳамкорӣ ба имзо расид
Ҳавопаймо дар наздикии фурудгоҳи Вашингтон ба дарё афтод
Имрӯз дар Тоҷикистон ҳавои бебориш пешгӯӣ мешавад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
