Филми ҳунарии «Дов» дар ҷашнвораи Авруосиё соҳиби ду ҷоиза гардид
ДУШАНБЕ, 22.10.2024. /АМИТ «Ховар»/. 21 октябр дар Театри «Моссовет»-и шаҳри Москва дар чорабинии ҷоизасупории ҷашнвораи Авруосиё филми ҳунарии «Дов» барандаи Дипломи ВАО- «Барои баёни поквиҷдонона ва реалистӣ, ҳамчунин садоқат ба анъанаҳои неки кинои тоҷик» гардид ва ҳамчунин «Беҳтарин нақши мардона» ба Абдумуъмин Шарифӣ барои иҷрои нақши Қаҳҳор дар ин филм дода шуд. Дар ин хусус ба АМИТ «Ховар» дар Муассисаи давлатии «Тоҷикфилм» хабар доданд.
Коргардони филм Муҳиддини Музаффар дар саҳифаи фейсбукиаш хабар додааст, ки филми «Дов» дар байни 9 филм соҳиби ду ҷоиза гардид.
«Муаррифии синамои тоҷик ва ғолибият бароямон шараф буд. Хеле муҳим буд дар саҳна садо додани номи Тоҷикистон ва «Тоҷикфилм». Як узви ҳакамон пас аз маросими ҷоизасупорӣ гуфт, ки «мо мехостем ба ин филм ду ҷоизаи мардона диҳем, аммо ба мо чаҳорчӯбаи ҷашнвора имконият надод. Филми шумо сазовори ҷоизаҳои баланд аст»,-навиштааст Муҳиддини Музаффар дар саҳифаи фейсбукиаш.
Дар ин кинофестивал филми «Дов» ҷоизаи 24-уми байналмилалии худро ба даст овард.
Аз 11 то 17 ноябри соли 2024 дар шаҳри Мурманск дар Кинофестивали байналмилалии XVI «Северный характер» дар баробари филмҳои Русия, Норвегия, Шветсия, Финляндия филми «Дов» аз Тоҷикистон низ иштирок менамояд. Дар ин кинофестивал 30 филм пешниҳод мешавад.
19 ноябр дар кинотеатри «delphiLUX»-и шаҳри Берлин филми ҳунарии «Дов» дар доираи Кинофестивали байналмилалии «Оянда аз имрӯз-Осиёи Марказӣ» намоиш дода мешавад.
Ёдовар мешавем, ки филми «Дов» нахустин лоиҳаи муштараки «Суғдсинамо» бо «Тоҷикфилм» аст. Филм аз 117 дақиқа иборат буда, соли 2022 истеҳсол гардидааст.
Дар саҳнаҳои умумии филм беш аз 5 ҳазор нафар иштирок намудаанд.
Филм бо забони синамо ва рамзҳои хоси санъати тасвир дӯстии ҳақиқӣ ва ҳаёти одамони боистеъдоди зиёии музофотро, ки арзишҳои олами ботинии онҳо бо ҷаҳони берунӣ мувофиқат намекунад, инъикос намудааст.
АКС аз манбаъҳои боз
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
