Хонандагони муассисаҳои таълимӣ бо кори наҷотдиҳандагон шинос шуданд
ДУШАНБЕ, 11.10.2024. /АМИТ «Ховар»/. Бахшида ба Рӯзи байналмилалии коҳиши хатари офатҳои табиӣ (13 октябр) дар Маркази ҷумҳуриявии таълимӣ-методии Кумитаи ҳолатҳои фавқулода ва мудофиаи гарждании назди Ҳукумати Ҷумҳурии Тоҷикистон Рӯзи дарҳои боз доир гардид. Дар ин хусус ба АМИТ «Ховар» дар ин кумита хабар доданд.
Иброз гардид, ки ҳамасола бахшида ба ин рӯз дар муассисаҳои таҳсилӣ доир ба баланд бардоштани сатҳи огоҳии шаҳрвандон ва коҳиши хатари офатҳои табиӣ корҳои фаҳмондадиҳӣ баргузор мегарданд. Инчунин бо иштироки хонандагон ва донишҷӯёни муассисаҳо машқу тамрин ва озмуну мусобиқаҳо ташкил мешаванд.
Аз тарафи мутахассисони Кумитаи ҳолатҳои фавқулода ва мудофиаи гражданӣ барои расонидани маълумот ва кумакҳои методӣ ба аҳолии мамлакат ҳангоми ба ҳолатҳои ногувор гирифтор шудан замимаи мобилии SOS таҳия гаштааст, ки ба иштирокчиёни ҳамоиш муаррифӣ шуд.
Шиори «Пурзӯр намудани вазифаи насли ҷавон барои ояндаи устувор», ки имсол аз ҷониби Созмони Миллали Муттаҳид қабул гардид, ҷомеаро водор месозад, ки корҳои пешгирикунандаро боз ҳам тақвият бахшида, имконотро самаранок истифода баранд. Инчунин насли ҷавонро ба ин корҳо ҷалб намуда, заминаҳои рушди шахсиро пурзӯртар кунанд.
Ҳамасола дар натиҷаи офатҳои табиӣ ба иқтисодиёти давлатҳо зарари молиявии зиёд расида, он ба зиндагии осоиштаи мардум таъсири манфӣ мерасонад.
Ҷумҳурии Тоҷикистон вобаста ба иҷрои Барномаи қолабии Сендай «Стратегияи миллии паст кардани хавфи офатҳои табиӣ барои солҳои 2019-2034»-ро таҳия ва қабул намуд. Дар он роҳҳои мушаххаси коҳиш додани таъсири ҳама гуна офатҳо пешбинӣ гардидааст.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
Дар Донишгоҳи технологии Тоҷикистон бахшида ба Рӯзи Парчами Тоҷикистон конференсияи илмӣ-амалӣ баргузор шуд
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
Дар деҳаи Меҳнатободи ноҳияи Кӯшониён муассисаи нави томактабӣ сохта мешавад
Рушди соҳаи таҳсилоти ибтидоӣ ва миёнаи касбӣ бо намояндагони Агентии Корея оид ба ҳамкории байналмилалӣ баррасӣ шуд
Дар Донишгоҳи байналмилалии забонҳои хориҷии Тоҷикистон бахшида ба 1045-солагии Абуалӣ ибни Сино ҳамоиши байналмилалӣ доир шуд
«САДОҚАТ БА ПЕШВОИ МИЛЛАТ». Ба ифтихори Рӯзи Президенти Тоҷикистон дар Данғара иқдом баргузор шуд
