МАҲСУЛОТИ ВОРИДОТИВАЗКУНАНДА. Дар Душанбе Корхонаи истеҳсоли «Сэндвичпанел» ба истифода дода шуд
ДУШАНБЕ, 30.10.2024 /АМИТ «Ховар»/. Тавре қаблан иттилоъ додем, 29 октябр дар ноҳияи Синои шаҳри Душанбе Корхонаи истеҳсоли «Сэндвичпанел» ба истифода дода шуд. Сэндвичпанел масолеҳи сохтмонӣ буда, аз се номгӯйи ашёи хом – тунука, полиуретан ва тасма бо фишордиҳии гарм ё хунук омода карда мешавад. Ин маҳсулот то ҳол аз хориҷи мамлакат ба ҷумҳурӣ ворид мегардад. Ба фаъолият оғоз намудани корхонаи мазкур имкон медиҳад, ки нархи ин маҳсулот арзон шуда, дастрасӣ ба он низ осон гардад, хабар медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Маҳсулоти корхона вобаста ба таъйинот панелҳои сақф ва панелҳои девор ҷудо карда шуда, асосан барои намои берунаи коргоҳҳои истеҳсолӣ, сардхонаҳо, иншооти таъйиноти гуногун, пӯшидани боми биноҳои баландошёна ва яхдон бо мақсади нигоҳ доштани сардӣ ва гармӣ истифода карда мешавад.
Корхонаи истеҳсоли «Сэндвичпанел» дар масоҳати 7 ҳазору 172 метри мураббаъ бунёд гардидааст. Хатти технологӣ ва дастгоҳу таҷҳизоти корхона аз Ҷумҳурии Мардумии Чин ворид ва насб карда шуда, дар он маҳсулоти босифат ва рақобатпазир истеҳсол мегардад.
Иттилоъ дода шуд, ки иқтидори истеҳсолии корхона дар як рӯз 960 метри мураббаъ ва дар як сол 276 ҳазору 480 метри мураббаъро ташкил медиҳад. Дар корхонаи мазкур 25 нафар бо кор таъмин гардида, аз ҷониби мутахассисони Ҷумҳурии Мардумии Чин бо омӯзиши низоми кории таҷҳизоти муосири васлгардида фаро гирифта шудаанд.
Ёдовар мешавем, ки дар маросими ба истифода додани Корхонаи истеҳсоли «Сэндвичпанел» Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ иштирок намуданд.
Мавриди истифода қарор гирифтани боз як корхонаи нав дар шаҳри Душанбе ва ба роҳ мондани истеҳсоли маҳсулоти воридотивазкунанда, ки дар доираи сиёсати созанда ва бунёдкоронаи Раиси шаҳри Душанбе муҳтарам Рустами Эмомалӣ амалӣ гардидааст, аз ҷониби Пешвои миллат муҳтарам Эмомалӣ Раҳмон иқдоми ибратбахш номида шуд.
Хотиррасон мешавем, ки дар шаш моҳи якуми соли равон дар шаҳри Душанбе аз ҷониби 783 корхонаи саноатӣ ҳаҷми истеҳсоли маҳсулоти саноатӣ ба 2,4 миллиард сомонӣ баробар гардид, ки нисбат ба ҳамин давраи ҳисоботӣ 500 миллион сомонӣ зиёд буда, суръати афзоиш 123,1 фоизро ташкил намуд. Содироти маҳсулоти корхонаҳои саноатии шаҳри Душанбе дар ин давра ба 3 миллион доллар баробар гардида, нисбат ба ҳамин давраи соли сипаригардида 992 ҳазор доллар бештар мебошад.
Тибқи иттилои масъулин, истифодаи самараноки иқтидорҳои нав, роҳандозии истеҳсоли маҳсулоти рақобатпазир, воридот-ивазкунанда ва ба содиротнигаронидашуда ҷиҳати афзоиш ёфтани соҳаи саноати шаҳри Душанбе дар нимсолаи аввали соли 2024 заминаи мусоид фароҳам овард.
Рухсораи НУР,
АМИТ «Ховар»
АКС: Хадамоти матбуоти Президенти Ҷумҳурии Тоҷикистон
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Одил Дониш хостори тақвияти ҳамкорӣ бо Тоҷикистон гардидааст
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
