Намояндаи Тоҷикистон дар ҷаласаи 45-уми Шурои байниҳукуматӣ оид ба ҳамкорӣ дар фаъолияти сохтмонии ИДМ суханронӣ намуд
ДУШАНБЕ, 04.10.2024. /АМИТ «Ховар»/. 3 октябр дар толори марказии Намоишгоҳи байналмилалии «Екатеринбург-ЭКСПО» ҷаласаи 45-уми Шурои байниҳукуматӣ оид ба ҳамкорӣ дар фаъолияти сохтмонии кишварҳои аъзои Иттиҳоди Давлатҳои Мустақил баргузор гардид, ки дар он Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода суханронӣ намуд. Дар ин хусус ба АМИТ «Ховар» дар Кумитаи меъморӣ ва сохтмон хабар доданд.
Ёдовар мешавем, ки 2 октябр ҳайати Кумитаи меъморӣ ва сохтмони назди Ҳукумати Ҷумҳурии Тоҷикистон таҳти роҳбарии раиси кумита Низом Мирзозода дар ифтитоҳ ва ҷаласаи пленарӣ таҳти унвони «Сохтмони оянда»-и Форум-намоишгоҳи 11-уми байналмилалии сохтмонӣ 100+ TechnoBuild, ки дар маркази намоишгоҳи байналмилалии «Екатеринбург-ЭКСПО» дар шаҳри Екатеринбурги Федератсияи Русия баргузор гардид, иштирок намуд.
Дар ҷаласаи Шурои байниҳукуматӣ оид ба ҳамкорӣ дар фаъолияти сохтмонии кишварҳои аъзои Иттиҳоди Давлатҳои Мустақил Низом Мирзозода оид ба мавзуи «Истифодаи системаҳои барқии офтобӣ дар бино ва иншоот дар Ҷумҳурии Тоҷикистон» маъруза намуд.
Тавре иттилоъ дода шуд, аз рӯи баромади Низом Мирзозода аз ҷониби Шурои байниҳукуматӣ оид ба ҳамкорӣ дар фаъолияти сохтмонии кишварҳои аъзои Иттиҳоди Давлатҳои Мустақил қарор қабул гардид. Тибқи он, мақомоти давлатии соҳаи меъморӣ ва сохтмонии кишварҳои аъзои Иттиҳоди Давлатҳои Мустақил ҳамкорӣ ва табодули маълумотро доир ба мавзуи истифодаи системаҳои барқии офтобӣ дар бино ва иншоот бояд пурзӯр намоянд.
Дар ҷаласа 14 мавзуи муҳими соҳаи меъморӣ, шаҳрсозӣ ва сохтмонии кишварҳои аъзои Иттиҳоди Давлатҳои Мустақил баррасӣ гардид. Яке аз онҳо иҷрои Қарори Шурои иқтисодии Иттиҳоди Давлатҳои Мустақил оид ба фаъолияти мақомоти ҳамкории соҳавии Иттиҳоди Давлатҳои Мустақил дар соҳаи иқтисодиёт дар солҳои 2018-2023 мебошад.
АКС: Кумитаи меъморӣ ва сохтмони назди Ҳукумати Ҷумҳурии Тоҷикистон
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
