Намояндаи Тоҷикистон дар ҳамоиши минтақавии муаррифии гузориши Индекси Глобалии Инноватсия дар Остона иштирок намуд
ДУШАНБЕ, 05.10.2024. /АМИТ «Ховар»/. 4 октябр шаҳри Остонаи Ҷумҳурии Қазоқистон ҳамоиши минтақавии муаррифии гузориши Индекси Глобалии Инноватсия дар соли 2024 барои давлатҳои Осиё баргузор шуд. Дар ин хусус ба АМИТ «Ховар» дар Муассисаи давлатии «Маркази миллии патенту иттилоот» хабар доданд.
Дар ҳамоиш намояндагони минтақа ва Созмони умумиҷаҳонии моликияти зеҳнӣ иштирок намуданд.
Зимни ҳамоиш директори Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон Мирзо Исмоилзода дар бораи вазъи кунунии фаъолияти инноватсионӣ дар ҷумҳурӣ, нақшаҳо ва вазифаҳои дарпешистода барои рушди соҳа дар мамлакат маълумот дод.
Иброз гардид, ки Президенти Ҷумҳурии Тоҷикистон муҳтарам Эмомалӣ Раҳмон ба соҳаи инноватсия дар мамлакат, аз ҷумла ба ташаккули низоми муассири инноватсионӣ, баланд бардоштани сатҳи технологӣ ва рақобатпазирии истеҳсолот, баровардани маҳсулоти инноватсионӣ ба бозорҳои дохиливу хориҷӣ, ивазкунии воридот, бунёди инфрасохтори рақамӣ, ҳукумати электронӣ ва тиҷорат, ки барои ноил шудан ба ҳадафҳои стратегии миллӣ мусоидат менамоянд, таваҷҷуҳи махсус зоҳир менамоянд.
Дар доираи ҳамоиш вохӯрии дуҷонибаи директори муассиса бо роҳбари сохтори моликияти зеҳнии Ҷумҳурии Қазоқистон баргузор гардид.
АКС: Муассисаи давлатии «Маркази миллии патенту иттилоот»
Имрӯз дар шаҳри Душанбе ҳаво то 21 дараҷа гарм мешавад
ОЯНДАИ ФУТБОЛ АЗ ҲОЛО ОҒОЗ МЕЁБАД. Дар Тоҷикистон мусобиқаи васеъмиқёси кӯдакона анҷом ёфт
ZET-MOBILE иқдоми нав оғоз намуд: тарофаҳои «SUPER Қувва» бо тахфифи 50%
Имрӯз дар баъзе ноҳияҳои Тоҷикистон туман мефарояд
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
