Неругоҳҳои «Норак» ва «Бойғозӣ» ба давраи тирамоҳу зимистони солҳои 2024-2025 омода мебошанд
НОРАК, 08.10.2024. /АМИТ «Ховар»/. Имрӯзҳо дар гидроагрегати ҳафтуми Неругоҳи барқи обии «Норак» корҳои навсозӣ идома дошта, мувофиқи нақшаи Лоиҳаи таҷдид ва барқарорсозии Неругоҳи барқи обии «Норак» давра ба давра гидроагрегатҳои ин неругоҳи таърихӣ пурра навсозӣ мегарданд.
Тавре сармуҳандиси Неругоҳи барқи обии «Норак» Маҳмадамин Маҳмадсаидзода ба хабарнигори минтақавии АМИТ «Ховар» иттилоъ дод, дар айни замон мутахассисони неругоҳ барои фаъолияти мунтазам ва самарабахш дар давраи тирамоҳу зимистони солҳои 2024-2025 ва барои дар фасли зимистон таъмин намудани хоҷагии халқи мамлакат бо барқи хушсифат таҷҳизотро таъмири ҷорӣ менамоянд.
То имрӯз мутахассисони ин корхонаи бузург аз рӯи нақшаи корҳо барои омода намудани неругоҳ ба кори муътадил ва устувор дар мавсими тирамоҳу зимистони соли равон корҳои муҳим, аз ҷумла захира намудани равғанҳои ТП–30 ва Т–1500, таъмири дегхонаи системаи гармидиҳӣ ва таъмини оби гарм, дар ҳолати омодабош нигоҳ доштани дизелгенераторҳо, баровардани селовардҳо аз барражҳои №1-2-и сойро ба анҷом расонидаанд. Ҳамзамон паси девори муҳофизатии бинои зилзиласанҷиро аз сангрезаҳо тоза намуда, боми бинои хоҷагии нақлиёти автомобилию бинои ДТК-500 кВ –ро таъмир кардаанд.
Кормандони Неругоҳи барқи обии «Бойғозӣ» низ барои истеҳсоли барқи хушсифат дар давраи тирамоҳу зимистони солҳои 2024-2025 омодагии ҷиддӣ гирифтаанд. Мутахассиси неругоҳи «Бойғозӣ» Фахриддин Ятимов гуфт, ки барои бо оби гарм ва низоми гармидиҳӣ таъмин намудани бинои маъмурии неругоҳ дар дегҳои барқии обии 1,2,3 таъмир гузаронида шуда, қисмҳои корношоями онҳо аз нав барқарор карда шуд. Мувофиқи нақшаи чорабиниҳо, ҳар ҳафта дизелгенератор ва бензогенераторҳои корхона аз санҷиш гузаронида мешаванд. Ҳоло онҳо дар ҳолати дурусти техникӣ қарор дошта, ба гузаронидани мавсими тирамоҳу зимистон омода мебошанд.
Ҳамчунин боми бинои нигаҳдории сӯзишворӣ таъмир гардида, барои таъмини бехатарии кормандон дар роҳи нақлиётгарди Чашма-Бойғозӣ ва Бойғозӣ-Оби туғ маводи зиддилағжиш ва намак, сӯзишвории дизелӣ ва бензин захира карда шудааст. Техникаҳои неругоҳ дар ҳолати хуби корӣ қарор доранд.
АКС: АМИТ «Ховар»
Ҳамкории вилояти Суғд бо ширкатҳои чинӣ густариш меёбад
НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
Дар Душанбе масоили таҳкими ҳамкории институтсионалӣ бо Агентии TIKA баррасӣ гардид
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
НИШАСТИ МАТБУОТӢ. Дар шаш моҳ 1 ҳазору 750 ҳолати вайронкунии қоидаҳои истифодаи неруи барқ ошкор гардид
