Сокинони деҳаи Искодари ноҳияи Айнӣ соҳиби манзилҳои нав шуданд
ДУШАНБЕ, 21.10.2024. /АМИТ «Ховар»/. 15 оилаи деҳаи Искодари ноҳияи Айнӣ, ки хонаҳояшон бар асари омадани сел хароб гардида буд, соҳиби манзилҳои нав шуданд. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.
Барои сохтмони 15 хонаи истиқоматӣ ба ҳар хоҷагӣ 3,5 садяк замин ҷудо карда шуд. Ҳар манзили истиқоматӣ дорои долон, меҳмонхона, хонаи хоб, хонаи кӯдакон, ошхона, ҳаммом буда, бо ҷиҳози зарурии рӯзгор таъмин мебошад.
Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар деҳаи Искодар аз ҷониби Мақомоти иҷроияи ҳокимияти давлатии ноҳияи Айнӣ 15 хонаи 4- ҳуҷрагӣ аз рӯи лоиҳаи пешниҳоднамудаи Кумитаи меъморӣ ва сохтмони назди Ҳукумати Ҷумҳурии Тоҷикистон сохта шудааст.
Дар муддати кӯтоҳ хати алоҳидаи барқ ва хати оби нӯшокӣ насб гардида, роҳҳои нақлиёт ва пиёдагард асфалтпӯш карда шуданд.
Ёдовар мешавем, ки бар асари офати табиии сел, ки 13 июли соли 2024 дар деҳаи Искодари Ҷамоати деҳоти Дар-Дари ноҳияи Айнии вилояти Суғд ба амал омад, 53 бинои истиқоматӣ зарур дид.
Аз ҷумла, 7 хона, 38 бинои ёрирасон, як бинои мактаб, 26 километр роҳи мошингард, 88 километр хати барқ, 15,5 километр хати интиқоли об ва заҳбурҳо, 18,93 гектар замини кишт пурра ва 8 хона қисман хароб гардид.
АКС: Хадамоти матбуоти Раиси вилояти Суғд
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
ПУРСИДЕД, ҶАВОБ МЕДИҲЕМ. Доғи судӣ чӣ гуна метавонад монеаи гирифтани патент дар Федератсияи Русия гардад?
Оид ба идоракунии инноватсионии давлатӣ дар шароити трансформатсияи иқтисоди рақамӣ дар Тоҷикистон ҳамоиш доир шуд
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
Байни Тоҷикистон ва Узбекистон Ёддошти тафоҳуми ҳамкорӣ ба имзо расид
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
Моҳи ноябр дар Тоҷикистон бориши борон ва ба амал омадани чангу ғубор дар назар аст
ОМОДАГӢ БА ЗИМИСТОН. Дар муассисаҳои таълимии шаҳри Ҳисор 2277 тонна ангишт захира гардидааст
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
