Бахшида ба 125-солагии Фазлиддин Шаҳобов маҳфил баргузор гардид
ДУШАНБЕ, 01.11.2024. /АМИТ «Ховар»/. Имрӯз бахшида ба 125-солагии мутриб, сароянда ва оҳангсози маъруфи тоҷик, дорандаи Ҷоизаи давлатии Тоҷикистон ба номи Абуабдулоҳи Рӯдакӣ Фазлиддин Шаҳобов бо ибтикори Муассисаи давлатии «Китобхонаи миллии Тоҷикистон» маҳфили фарҳангӣ-фароғатӣ баргузор гардид, иттилоъ медиҳад хабарнигори АМИТ «Ховар».
Дар ҳамоиш иброз гардид, ки номи Фазлиддин Шаҳобов то абад дар саҳифаи таърихи ташаккули мусиқии тоҷик боқӣ мемонад, зеро фаъолияти пурсамари ҷамъиятӣ, мусиқӣ-маърифатӣ, композиторӣ ва иҷрокунандагии ӯ дар фарҳанги мусиқии тоҷик нақши амиқ гузоштааст.
Ҳукумати Ҷумҳурии Тоҷикистон саҳми ин ҳунарманди асилро ба эътибор гирифта, соли 2000 ба Ансамбли давлатии «Шашмақом»-и Кумитаи телевизион ва радиои назди Ҳукумати Ҷумҳурии Тоҷикистон номи ӯро гузошт.
Доктори илми санъатшиносӣ Аслиддин Низомӣ иброз дошт, ки «таҳқиқи назокат ва маҳорати танбӯрнавозии устод Фазлиддин Шаҳобов бояд ояндаи наздик чун мавзуи хоссаи илмӣ баррасӣ гардад. Зеро имрӯз ҳунари шашмақом ба чунин мутрибони нозукадо хеле ниёз дорад ва дар ин савия ҳоло ҳунарваре ба мисли ин устод ба арсаи эҷод наомадааст. Маҳорати Фазлиддин Шаҳобов чӣ дар Тоҷикистон ва чӣ дар Узбекистон феълан чун қуллаи дастнорас ва фатҳнашаванда боқӣ мондааст».
«Нақш ва мақоми устоди забардасту нотакрори мусиқӣ Фазлиддин Шаҳобов бо ҳунару асар ва хизматҳои барҷастааш ҳамроҳи ин миллату ин санъат- шашмақом садсолаҳо, балки ҳамеша зинда хоҳад монд»,-иброз шуд дар маҳфили фарҳангӣ-фароғатӣ.
АКС: АМИТ «Ховар»
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
