Байни Донишгоҳи давлатии омӯзгории Тоҷикистон ва Донишгоҳи касбии Линий созишномаи ҳамкорӣ ба имзо расид
ДУШАНБЕ, 20.11.2024. /АМИТ «Ховар»/. Байни Донишгоҳи давлатии омӯзгории Тоҷикистон ба номи Садриддин Айнӣ ва Донишгоҳи касбии Линий созишномаи ҳамкорӣ ба имзо расид. Дар ин хусус ба АМИТ «Ховар» дар Донишгоҳи давлатии омӯзгории Тоҷикистон хабар доданд.
Созишнома дар Ҷумҳурии Мардумии Чин аз ҷониби роҳбарияти Донишгоҳи давлатии омӯзгории Тоҷикистон ва Донишгоҳи касбии Линий имзо гардид.
Дар амал татбиқ гардидани он имкон фароҳам меорад, ки дар Донишгоҳи давлатии омӯзгории Тоҷикистон ба номи Садриддин Айнӣ маҳсулоти марбут ба техникаю технология истеҳсол шавад.
Ҳамзамон намояндагони Тоҷикистон бо фаъолияти парки технологӣ, раванди баргузории дарсҳо, маҳсулоти Донишгоҳи касбии Линий, аз қабили робот, нерупуркун (зарядник) ва дигар маҳсулоте, ки дар ин муассиса истеҳсол карда мешаванд, шинос шуданд.
Ҷонибҳо вазъи имрӯзаи таҳқиқоти илмӣ, низоми таълим, робитаҳо бо муассисаҳои таҳсилоти олии давлатҳои дуру наздик, омӯзиши забонҳои хориҷӣ ва неруи илмии донишгоҳҳоро мавриди баррасӣ қарор доданд.
Ҳамзамон вобаста ба табодули устодону донишҷӯён ва таҷрибаомӯзии онҳо дар донишгоҳҳои ҳамдигар, инчунин ба роҳ мондани истеҳсоли техникаи муосир дар Донишгоҳи давлатии омӯзгории Тоҷикистон ба номи Садриддин Айнӣ суҳбат намуданд.
АКС: Донишгоҳи давлатии омӯзгории Тоҷикистон ба номи Садриддин Айнӣ
ТАЪТИЛ ФАРО МЕРАСАД! Барои самаранок гузаронидани давраи таътили фарзандон омода мешавем
ҲАМГИРОИИ ИҶТИМОИЮ ИҚТИСОДИИ ТОҶИКИСТОН ВА ЧИН ДАР МАРҲАЛАИ НАВИ ШАРИКИИ СТРАТЕГӢ. Андешаҳо оид ба сафари давлатии Президенти Тоҷикистон ба Ҷумҳурии Мардумии Чин
Дар Донишгоҳи технологии Тоҷикистон ба муносибати Рӯзи ҷавонони Тоҷикистон ҳамоиш баргузор шуд
Дар Донишгоҳи технологии Тоҷикистон намоиши маҳсулот ва ҷойи холии кор баргузор шуд
«ТОҶИ САРИ ҶУМЛА ҲУНАРҲОСТ ИЛМ». Дар Душанбе байни хонандагони муассисаҳои таҳсилоти миёнаи умумӣ озмуни шаҳрӣ оғоз шуд
Бахшида ба Рӯзи ҷаҳонии футбол дар Донишгоҳи давлатии ҳуқуқ, бизнес ва сиёсати Тоҷикистон мусобиқаи футбол доир гардид
Донишҷӯи Донишгоҳи байналмилалии забонҳои хориҷии Тоҷикистон дар Озмуни байналмилалии «Пули чинӣ» соҳиби ҷойи якум шуд
Тоҷикистон ва Чин дар соҳаи зеҳни сунъӣ Ёддошти тафоҳум имзо намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
