Дар Хоруғ 30-солагии қабули Конститутсияи Тоҷикистон ба таври тантанавӣ таҷлил гардид

Ноябрь 5, 2024 13:09

ДУШАНБЕ, 05.11.2024 /АМИТ «Ховар»/. Бахшида ба Рӯзи Конститутсияи Ҷумҳурии Тоҷикистон дар Қасри фарҳанги шаҳри Хоруғи Вилояти Мухтори Кӯҳистони Бадахшон барномаи идона баргузор гардид, хабар медиҳад АМИТ «Ховар» бо истинод ба Мақомоти иҷроияи ҳокимияти давлтаии шаҳри Хоруғ.

Раиси шаҳри Хоруғ Ризо Назарзода изҳор намуд, ки «мояи шодмониву сарфарозии мо, тоҷикон аст, ки имрӯз бо якмаромиву муттаҳидӣ ва ваҳдату сарҷамъӣ дар фазои орому осудаи Ватани маҳбубамон 30-солагии қабули Конститутсияи Ҷумҳурии Тоҷикистон ё Бахтномаи миллатро таҷлил менамоем. Конститутсияи Ҷумҳурии Тоҷикистон 30 сол қабл дар марҳилаи басе ҳассосу таърихӣ қабул гардид. Он ҳуҷҷате аст, ки фазои амалаш маҳдуд набуда, сарнавишт ва роҳи пешрафти ояндаи халқу давлатро давоми даҳсолаҳо ва ҳатто садсолаҳо муайян мекунад».

Қабули Конститутсияи Ҷумҳурии Тоҷикистон яке аз дастовардҳои бузурги даврони Истиқлолият ба ҳисоб рафта, он ҳамчун санади муқаддас ва тақдирсоз роҳи рушди давлати соҳибистиқлоли тоҷикон ва мардуми онро барои садсолаҳо муайян намудааст.

Бузургӣ ва аҳамияти ин санади муҳими таърихӣ, пеш аз ҳама, дар он ифода меёбад, ки бори нахуст аз ҷониби худи халқ ва барои халқ бо роҳи ифодаи озодонаи майлу иродаи шаҳрвандони мамлакат қабул шудааст. Бо қабул гардидани Конститутсия халқи Тоҷикистон бори нахуст баёнгари соҳибихтиёрӣ ва сарчашмаи ягонаи ҳокимияти давлатӣ эълон гардид. Бузургтарин дастоварди Конститутсияи мо- ин арзиши олӣ эътироф гардидани инсон ва ҳуқуқу озодиҳои он маҳсуб мешавад.

Дар ҳамоиш гуфта шуд, ки Конститутсияи Тоҷикистони соҳибистиқлол баёнгари орзую ормони халқ буда, ҳуқуқу озодиҳои инсонро кафолат дода, асосҳои сохтори чамъият, шакли идоракунӣ ва ташкили ҳудуди давлат, асосҳои таъсиси мақомоти марказӣ ва маҳаллии ҳокимияти давлатӣ, салоҳият ва муносибати онҳоро муайян мекунад.

АКС: Мақомоти иҷроияи ҳокимияти давлатии шаҳри Хоруғ

 

Ноябрь 5, 2024 13:09

Хабарҳои дигари ин бахш

Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати  Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид