Дар Кувайт ҷашнҳои давлатӣ ва муҳими Тоҷикистон таҷлил карда шуданд
ДУШАНБЕ, 16.11.2024 /АМИТ «Ховар»/. 14 ноябр дар Сафорати Ҷумҳурии Тоҷикистон дар Давлати Кувайт ҷашни 33-солагии Истиқлоли давлатии Ҷумҳурии Тоҷикистон, Рӯзи Конститутсия ва Рӯзи Президенти Ҷумҳурии Тоҷикистон таҷлил карда шуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Давлати Кувайт хабар медиҳад.
Дар чорабинӣ вазири молия ва вазири давлатӣ оид ба умури иқтисодӣ, инчунин муовинони вазири корҳои хориҷии Давлати Кувайт оид ба Осиё ва ташрифот, намояндагони девони амирӣ, аъзои оилаи амирӣ, зиёда аз 110 сафиру роҳбарони созмонҳои байналмилалии муқими ин давлат, намояндагони вазорату идораҳои соҳавӣ, ширкатҳои сайёҳӣ, фаъолони шабакаҳои иҷтимоӣ, тоҷикони муқими Кувайт, донишҷӯён ва доираи васеи хабарнигорон иштирок доштанд.
Сафири Ҷумҳурии Тоҷикистон дар Давлати Кувайт Зубайдулло Зубайдзода моҳият ва мақсади ҷашнгирии санаҳои мазкурро шарҳ дода, ҳамватанонро ба ҳифзи арзишҳои Истиқлолияти давлатӣ, якпорчагӣ ва дастовардҳои даврони соҳибихтиёрии Тоҷикистон даъват намуд.
Дар назди хабарнигорону намояндагони ВАО муовини вазири корҳои хориҷии Давлати Кувайт оид ба Осиё Самиҳ Ҷавҳар Ҳаёт аз номи Ҳукумат ва мардуми Кувайт ҳозиринро бо ин ҷашнҳои миллӣ табрик намуд.
Чорабиноро гулчини садою мусиқии Шашмақом ва Фалак дар иҷрои ҳунармандони ансамбли созҳои миллӣ, намоиши либосҳои миллӣ, ки маҳсули кори тарроҳони тоҷик мебошад, шукӯҳи хосса бахшид. Ҳамчунин ба меҳмонон наворҳои кӯтоҳ оид ба дастовардҳои миллӣ ва наворҳои сайёҳӣ намоиш дода шуд.
АКС: Сафорати Ҷумҳурии Тоҷикистон дар Давлати Кувайт
Ҳамкории Тоҷикистон ва Кувайт оид ба бахши сармоягузорӣ ва сайёҳӣ баррасӣ гардид
Сафири Тоҷикистон дар Австрия дар Симпозиуми байналмилалии об иштирок намуд
Дар Туркманистон нишасти вазирони корҳои хориҷии кишварҳои Осиёи Марказӣ ва Озарбойҷон баргузор гардид
Ашрафҷон Гулов бо Сафири навтаъйини Амороти Муттаҳидаи Араб дар Ҷумҳурии Тоҷикистон Носир Ҳувайдин Зайбон Алӣ Ал-Катбӣ мулоқот намуд
Сироҷиддин Муҳриддин дар ҷаласаи навбатии Шурои вазирони корҳои хориҷии Иттиҳоди Давлатҳои Мустақил иштирок намуд
Сафири Тоҷикистон бо фаъолияти рӯзномаи «The Times Kuwait» шинос шуд
Дар Женева тақвияти ҳамкории Тоҷикистон дар доираи Барномаи АСИКУДА мавриди баррасӣ қарор дода шуд
Ҳамкории мутақобили судманди Тоҷикистон ва Кувайт дар арсаҳои гуногун баррасӣ гардид
Низоми бидуни раводид байни Тоҷикистон ва Эрон пурра ба татбиқ расид
Сироҷиддин Муҳриддин бо иҷрокунандаи вазифаи муовини Дабири кулли ЮНЕСКО оид ба илмҳои табиӣ мулоқот намуд
Сафири Тоҷикистон бо вазири авқофи Кувайт мулоқот намуд
Намояндаи доимии Тоҷикистон бо Президенти Шурои ҳуқуқи инсон мулоқот намуд
