Дар Урумчӣ вохӯрии ҳамоҳангсози системаҳои алоқа, навигатсия ва назорат барои идораи ҳаракати ҳавоии Тоҷикистон ва Чин доир шуд
ДУШАНБЕ, 04.11.2024 /АМИТ «Ховар»/. Дар шаҳри Урумчии Ҷумҳурии Мардумии Чин вохӯрии 5-уми ҳамоҳангсози системаҳои алоқа, навигатсия ва назорат барои идоракунии ҳаракати ҳавоӣ (CNS/ATM)-и Ҷумҳурии Тоҷикистон ва Ҷумҳурии Мардумии Чин баргузор гардид, ки дар он ҳайати Ҷумҳурии Тоҷикистон таҳти роҳбарии директори генералии Корхонаи воҳиди давлатии /КВД/ «Тоҷикаэронавигатсия» Лоиқ Бегиҷонзода ва намояндагони воломақоми Бюрои ташкили ҳаракати ҳавоии Маъмурияти авиатсияи граждании Ҷумҳурии Мардумии Чин иштирок намуданд.
Ба АМИТ «Ховар» дар Корхонаи воҳиди давлатии «Тоҷикаэронавигатсия» иттилоъ доданд, ки ҳадафи вохӯрӣ таҳкими робита ва ҳамкории дуҷониба дар соҳаи системаҳои алоқа, навигатсия ва назорат барои идоракунии ҳаракати ҳавоӣ ва мусоидат ба ҳамоҳангсозии амалиёти ҳаррӯзаи идоракунии ҳаракати ҳавоӣ, дастгирии техникӣ, идоракунии ҷараёни ҳаракати ҳавоӣ ва ҳамкорӣ дар соҳаи хизматрасонии метеорологии авиатсионӣ байни ду корхонаи таъминкунандаи хизматрасонии аэронавигатсионӣ бо назардошти дастовардҳо ва натиҷаҳои қаблӣ мебошад.
«Муносибатҳои дӯстона ва ҳамкории мутақобилан судманд байни Тоҷикистон ва Чин пайваста рушд ёфта, хусусияти шарикии ҳамаҷонибаи стратегӣ пайдо намуд. Чин яке аз бузургтарин сармоягузорон ва шарикони тиҷоратии Тоҷикистон буда, Ҷумҳурии Тоҷикистон ташаббуси раиси Ҷумҳурии Мардумии Чин ҷаноби Си Ҷинпинро дар бораи эҳёи фазои иқтисодии Роҳи бузурги абрешим ҳамаҷониба дастгирӣ менамояд»,- таъкид намуд бо ёдоварӣ аз ҳамкории пурсамар, рушд ва таҳкими ҳамкории дуҷониба, инчунин ифтитоҳи долони нави ҳавоӣ байни Ҷумҳурии Тоҷикистон ва Ҷумҳурии Мардумии Чин Лоиқ Бегиҷонзода.
Дар муаррифии дастовардҳои хизматрасонии ҳаракати ҳавоӣ директори генералии Бюрои ташкили ҳаракати ҳавоии Синзяни Маъмурияти авиатсияи граждании Ҷумҳурии Мардумии Чин изҳори умед намуд, ки ҳамкории минбаъда бо Корхонаи воҳиди давлатии «Тоҷикаэронавигатсия» ба пешниҳоди хизматрасонии ҳаракати ҳавоӣ ва радиотехникии парвозҳои Чин ва Тоҷикистон мусоидат менамояд.
Дар вохӯрӣ масъалаҳои ҳамкорӣ дар таъмини хизматрасонии аэронавигатсионӣ тавассути долони нави ҳавоии «POMIR-AGVUT» баррасӣ гардиданд.
АКС: Корхонаи воҳиди давлатии «Тоҷикаэронавигатсия»
Барои рушди соҳаи занбуриасалпарварӣ дар Тоҷикистон тадбирҳои иловагӣ андешида мешаванд
Дар Тоҷикистон наздикӣ 1000 адад гармхонаҳои доимамалкунанда фаъолият мекунанд
Бонки аврупоии таҷдид ва рушд омодагии худро ҷиҳати татбиқи лоиҳаҳои нав дар вилояти Суғд баён дошт
Бонки миллии Тоҷикистон бо IFSB омодасозии кадрҳои баландихтисос дар соҳаи бонкдориро баррасӣ намуданд
Дар корхонаи муштараки «Зарафшон» 3000 нафар сокинони маҳаллӣ фаъолият менамоянд
Гардиши савдои хориҷии Тоҷикистон бо Швейтсария 49,8 миллион долларро ташкил дод
Дар Хоруғ Форуми байналмилалии сармоягузории «Помиринвест -2025» баргузор мешавад
Дар Душанбе Форуми соҳибкорони Тоҷикистону Қирғизистон баргузор мешавад
Намояндаи Бонки миллии Тоҷикистон дар нишасти солонаи Шурои хизматрасониҳои молиявии исломӣ иштирок намуд
Байни Тоҷикистон ва Фонди Саудии Рушд дар ҳаҷми 30 миллион доллари амрикоӣ созишномаи қарзӣ ба имзо расид
Гурӯҳи коршиносон ба ҷаласаи шашуми СҲШ оид ба ҳифзи муҳити зист омодагӣ мегирад
Ҷаласаи Ситоди ҷумҳуриявӣ оид ба сари вақт омода намудани соҳаҳои иқтисодиёт ва иҷтимоиёти Тоҷикистон ба давраи тирамоҳу зимистон баргузор шуд
