Форуми сармоягузории Тоҷикистон ва Малайзия баргузор гардид
ДУШАНБЕ, 19.11.2024 /АМИТ «Ховар»/. 18 ноябр дар шаҳри Куала Лумпури Малайзия бо иштироки Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода, намояндагони вазорату идораҳои ҷумҳурӣ ва роҳбарону намояндагони мақомоти давлатию доираҳои сармоягузории Малайзия Форуми сармоягузории Тоҷикистон ва Малайзия баргузор гардид. Дар ин хусус АМИТ «Ховар» бо истинод ба Кумитаи давлатии сармоягузорӣ хабар медиҳад.
Дар форум имконият ва зарфияти сармоягузории Ҷумҳурии Тоҷикистон аз ҷониби Раиси Кумитаи давлатии сармоягузорӣ ва идораи амволи давлатӣ муаррифӣ карда шуд.
Дар доираи форум зимни баргузории панели алоҳида таҳти унвони «Тоҷикистон ва Малайзия: Анҷумани шабакаҳои тиҷоратӣ» Вазири саноат ва технологияҳои нав Шералӣ Кабир, Раиси Кумитаи давлатии сармоягузрӣ ва идораи амволи давлатӣ Султон Раҳимзода ва муовини якуми Раиси Бонки миллии Тоҷикистон Фируз Шарифзода ба саволҳои соҳибкорону сармояузорони Малайзия доир ба фазо ва имконияти сармоягузории Тоҷикистон посухҳои мушаххас доданд.
Иброз шуд, ки ҳамкории гуногунҷанба байни ду давлат ба сатҳи сифатан нав баромада, баргузории чунин чорабиниҳо ба ташкили корхонаҳои муштарак, рушди ҳамкории иқтисодиву тиҷоратӣ, баланд бардоштани иқтидори содиротӣ, ҷалби сармоя, воридоти технологияҳои муосир ва тақвияти ҳамкории дуҷонибаи иқтисодию сармоягузори ҷонибҳо мусоидат менамояд.
Иштирокчиёни форум ба рушди муносибатҳои дуҷониба ва сатҳи чорабинӣ баҳои баланд доданд. Намояндагони Тоҷикистон бо ҷониби Малайзия ба мувофиқа расиданд, ки ҳайатҳои сармоягузорон ва соҳибкорони малайзиягӣ ба Ҷумҳурии Тоҷикистон омада, дар ҳамкорӣ бо сохторҳои дахлдори Тоҷикистон масъалаҳои марбут ба амалӣ намудани фаъолияти сармоягузориро баррасӣ намоянд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
