ФУТБОЛ. Имрӯз дастаи мунтахаби Тоҷикистон бо тими миллии Непал бозии дӯстона анҷом медиҳад

ДУШАНБЕ, 13.11.2024 /АМИТ «Ховар»/. Имрӯз, 13 ноябр дар Варзишгоҳи марказии ҷумҳуриявии Душанбе бозии дӯстона байни  дастаҳои миллии Тоҷикистон ва Непал баргузор мешавад.

Тавре ба АМИТ «Ховар» дар Федератсияи футболи Тоҷикистон хабар доданд, бозӣ соати 18:00 оғоз мегардад. Бозиро ҳайати доварон аз Русия таҳти роҳбарии довари ФИФА Евгений Кукуляк ҳакамӣ мекунад.

Қаблан дар сатҳи тимҳои миллӣ Тоҷикистон ва Непал се бор бо ҳам вохӯрда, дастаи мо дар ҳамаи бозиҳо пирӯз шудааст.

АКС: Федератсияи футболи Тоҷикистон