Таҷлили Рӯзи Президенти Тоҷикистон ва солгарди Иҷлосияи XVI Шурои Олӣ дар шаҳри Бокуи Озарбойҷон
ДУШАНБЕ, 16.11.2024. /АМИТ «Ховар»/. 16 ноябри соли 2024 дар шаҳри Боку дар толори миллии Ҷумҳурии Тоҷикистон, воқеъ дар макони баргузории чорабиниҳои байналмилалии СОР29 бо ибтикори Сафорати Ҷумҳурии Тоҷикистон дар Ҷумҳурии Озарбойҷон маҷлиси тантанавӣ бахшида ба ҷашнҳои давлатӣ – 32-солагии баргузории Иҷлосияи XVI Шурои Олии Тоҷикистон, Рӯзи Президенти Ҷумҳурии Тоҷикистон ва 30-солагии қабули Конститутсияи Ҷумҳурии Тоҷикистон баргузор гардид. Дар ин хусус ба АМИТ «Ховар» дар Сафорати Ҷумҳурии Тоҷикистон дар Ҷумҳурии Озарбойҷон хабар доданд.
Дар маҷлис Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода, Сафири Тоҷикистон ва роҳбарони як қатор вазорату идораҳои Ҷумҳурии Тоҷикистон, инчунин ҳайати кормандони Сафорат ва донишҷӯёни тоҷики муассисаҳои таҳсилоти олии Озарбойҷон иштирок намуданд.
Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода, раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, муовини якуми Вазири энергетика ва захираҳои оби Ҷумҳурии Тоҷикистон Ҷамшед Шоимзода ва Сафири Тоҷикистон дар Озарбойҷон Илҳом Абдураҳмон дар бораи аҳамияти Иҷлосияи XVI Шурои Олии Тоҷикистон, Конститутсияи Ҷумҳурии Тоҷикистон ва саҳми Президенти Ҷумҳурии Тоҷикистон дар барқарорсозии низоми конститутсионӣ дар мамлакат сухан гуфтанд.
Иштирокчиён нақши муассир ва саҳми бузурги Асосгузори сулҳу вахдати миллӣ-Пешвои миллат, Президента Ҷумҳурии Тоҷикистон муҳтарам Эмомалӣ Раҳмонро дар раванди эҳёи давлатдориии тоҷикон ва рукнҳои он, таъмини сулҳу субот ва рушду шукуфоӣ дар мамлакат таъкид намуданд.
Дар фарҷом меҳмонон аз намоиши китобҳои Президенти Ҷумҳурии Тоҷикистон ва намоишгоҳи расмҳои табиати зебои Тоҷикистон дидан намуданд.
АКС: Сафорати Ҷумҳурии Тоҷикистон дар Ҷумҳурии Озарбойҷон
Сафири Тоҷикистон бо шаҳрдори Риёз мулоқот намуд
Сафири Тоҷикистон бо сардабири рӯзномаи «Алҷарида»-и Давлати Кувайт вохӯрӣ намуд
Сафири Тоҷикистон дар ҳамоиши 42-юми Намоишгоҳ ва Конфронси байналмилалӣ оид ба нафту гази Абу-Забӣ иштирок намуд
Идибек Қаландар дар Муколамаи Манома «IISS Manama Dialogue» иштирок намуд
Ҳайатҳои вазоратҳои корҳои хориҷии Тоҷикистон ва Лаос мулоқот намуданд
Интишори мусоҳибаи сафири Тоҷикистон дар Кувайт дар рӯзномаи кувайтии «Алҷарида»
Рӯзномаи «The Times Kuwait» мусоҳибаи сафири Тоҷикистонро нашр намуд
Сафири Тоҷикистон бо ҳамватанони муқими Ҷумҳурии Чехия мулоқот намуд
Дар Женева ҷаласаи махсус таҳти унвони «Афзалиятҳои рушди савдо барои кишварҳои рӯ ба тараққии маҳсур дар хушкӣ» баргузор гардид
Сафири Тоҷикистон дар Ҳамоиши байналмилалии «Ҳафтаи оби Қоҳира-2026» иштирок намуд
Сафири Тоҷикистон бо Дабири кулли Вазорати федералии молияи Австрия мулоқот намуд
Ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамотҳои гумруки давлатҳои иштирокдори ИДМ баргузор гардид
