Анҷумани ХIХ Ҳизби демократи Тоҷикистон баргузор гардид
ДУШАНБЕ, 20.12.2024 /АМИТ «Ховар»/. 20 декабр дар шаҳри Душанбе Анҷумани навбатии XIX Ҳизби демократи Тоҷикистон баргузор гардид.
Дар кори он вакилон аз кумитаҳои иҷроияи вилоятӣ, шаҳрӣ ва ноҳиявии ҳизб иштирок намуданд.
Дар анҷумани ҳизб тибқи тартиб се масъалаи рӯзномаи корӣ: фаъолияти Ҳизби демократи Тоҷикистон пас аз Анҷумани XVIII ғайринавбатии Ҳизби демократи Тоҷикистон, муаррифии муҳтавои барномаи пешазинтихоботии Ҳизби демократи Тоҷикистон ва пешбарии номзадҳо ба вакилӣ дар интихоботи Маҷлиси намояндагони Маҷлиси Олии Ҷумҳурии Тоҷикистон аз Ҳавзаи ягонаи умумиҷумҳуриявӣ мавриди баррасии ҳамаҷониба қарор гирифт.
Аз рӯйи масъалаи якум раиси Ҳизби демократи Тоҷикистон Шаҳбози Аброр ва аз рӯйи масъалаи дуюм раиси созмони Ҳизби демократи Тоҷикистон дар шаҳри Душанбе Фатҳиддин Солеҳов баромад намуданд.
Тибқи масълаи сеюми рӯзномаи анҷуман — пешбарии номзадҳо ба вакилӣ дар интихоботи Маҷлиси намояндагони Маҷлиси Олии Ҷумҳурии Тоҷикистон аз ҷониби Ҳизби демократи Тоҷикистон 5 аъзои фаъоли ҳизб, аз ҷумла раиси Ҳизби демократи Тоҷикистон Шаҳбози Аброр, раиси созмони Ҳизби демократи Тоҷикистон дар шаҳри Душанбе Фатҳуддин Солеҳов, муовини раиси ҳизб Зуҳро Мирзоева, раиси созмони Ҳизби демократи Тоҷикистон дар вилояти Суғд Ҷаббор Юлдошев ва раиси созмони Ҳизби демократи Тоҷикистон дар минтақаи Рашт Илёсиддин Саидҷаъфаров бо ҷонибдории аксар иштирокчиёни анҷуман ҳамчун номзад ба вакилӣ дар интихоботи Маҷлиси намояндагони Маҷлиси Олии Ҷумҳурии Тоҷикистон пешниҳод гардиданд.
АКС: АМИТ «Ховар»
ИНТИХОБОТИ ВАКИЛОНИ ХАЛҚ-2025. Марҳилаи пешбарии рӯйхати номзадҳо оид ба интихоботи вакилони Маҷлиси намояндагони Маҷлиси Олӣ ба анҷом расид
Конференсияи Кумитаи иҷроияи Ҳизби сотсиалистии Тоҷикистон дар шаҳри Ҳисор баргузор гардид
Номзад аз Ҳизби аграрии Тоҷикистон аз ҳавзаи интихоботии якмандатаи Ёвон, №29 пешбарӣ гардид
Маҷлиси Кумитаи иҷроияи Ҳизби аграрии Тоҷикистон дар шаҳри Ҳисор баргузор шуд
«ИНТИХОБОТ ВА ҶАВОНОН». Дар шаҳри Турсунзода ҳамоиши тарғиботӣ баргузор гардид
Маҷлиси васеи Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Дар ҳавзаи якмандатии интихоботии Айнӣ, №22 номзад аз ҲХДТ пешбарӣ гардид
Вобаста ба нақши занону духтарон дар фаъолияти комиссияҳои интихоботӣ вохӯрӣ доир шуд
Номзад ба вакилии Маҷлиси намояндагон аз ҳавзаи якмандатии Рашт,№12 пешбарӣ карда шуд
Номзад ба вакилии Маҷлиси намояндагон аз ҳавзаи якмандатии интихоботии Турсунзода, №5 пешбарӣ карда шуд
