ЧЕМПИОНАТИ ОСИЁ. Варзишгарони тоҷик соҳиби панҷ медал шуданд
ДУШАНБЕ, 10.12.2024. /АМИТ «Ховар»/. Варзишгарони шинохтаи тоҷик Шукрат Саломатов, Акмал Убайдов, Шаҳобҷон Шукуров, Аҳмадҷон Саидов ва Парвиз Каримов дар рӯзи 9-уми Чемпионати Осиё оид ба бокс дар шаҳри Чиангмайи Тайиланд рақобат намуданд. Дар ин хусус шореҳи варзиши АМИТ «Ховар» хабар медиҳад.
Шукрат Саломатов дар вазни 67 кг барандаи медали биринҷӣ шуд. Дар даври нимниҳоӣ Шукрат Саломатов аз намояндаи Қазоқистон Дулат Бебауов мағлуб шуд.
Акмал Убайдов дар вазни 60 кг бо мағлуб кардани Айдер Абдураимов аз Украина ба финали Чемпионати Осиё дар Тайиланд роҳ ёфт. Шаҳобҷон Шукуров дар вазни 71 кг барандаи медали биринҷӣ гардид. Дар даври нимниҳоӣ Шаҳобҷон Шукуров аз намояндаи Қазоқистон Аблайхан Жуссупов мағлуб шуд.
Аҳмадҷон Саидов дар вазни 86 кг барандаи медали биринҷӣ шуд. Дар даври нимниҳоӣ Аҳмадҷон Саидов аз намояндаи Узбекистон Ҷасурбек Юлдошев мағлуб шуд.
Парвиз Каримов дар вазни 92 кг бо мағлуб кардани Богдан Толмачов аз Украина ба финали Чемпионати Осиё дар Тайиланд роҳ ёфт.
Ҷумҳурии Тоҷикистон дар ин мусобиқа аллакай соҳиби панҷ медал гардидааст. Ин аввалин бор дар таърихи бокси Тоҷикистон аст, ки дар Чемпионати Осиё панҷ медал ба даст оварда, дастаи Тоҷикистон дар сегонаи беҳтаринҳо ҷой мегирад. Аз байни муштзанони тоҷик Шукрат Саломатов, Шаҳобҷон Шукуров ва Аҳмадҷон Саидов медали биринҷӣ гирифтанд ва Акмал Убайдов бо Парвиз Каримов ба финал роҳ ёфтанд. Меҳрон Шафиев, Хусравхон Раҳимов, Абдумалик Болтаев ва Миҷгона Самадова аз ҳарифҳояшон мағлуб гардида, аз идомаи рақобатҳо бенасиб монданд.
Ёдовар мешавем, ки Чемпионати Осиё оид ба варзиши бокс дар шаҳри Чиангмайи Тайиланд аз 28 ноябр то 12 декабри соли 2024 байни беҳтарин муштзанони қораи Осиё баргузор мегардад.
Дар ин мусобиқаи сатҳи баланд беш аз 200 муштзан (132 мард, 82 зан) аз 21 давлати Осиё иштирок доранд.
АКС аз ТВ «Варзиш»
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
