Дар Бохтар ҷаласаи Шурои ҳамоҳангсози фаъолияти мақомоти ҳифзи ҳуқуқ ва сохторҳои ҳарбии минтақа баргузор шуд
ДУШАНБЕ, 29.12.2024 /АМИТ «Ховар»/. Дар Прокуратураи ҳарбии гарнизони Бохтар ҷаласаи Шурои ҳамоҳангсози фаъолияти мақомоти ҳифзи ҳуқуқ ва сохторҳои ҳарбии минтақа баргузор гардид.
Тавре АМИТ «Ховар» бо истинод ба рӯзномаи «Хатлон» хабар медиҳад, дар ҷаласа иҷрои қонунҳо ва оинномаҳои ҳарбию сарҳадӣ дар қисмҳои низомӣ мавриди таҳлил қарор гирифт.
Таъкид шуд, ки ҳимояи марзу буми ҷумҳурӣ ва таъмини амнияти миллӣ вазифаи аввалиндараҷаи Қувваҳои мусаллаҳ аст. Президенти Тоҷикистон муҳтарам Эмомалӣ Раҳмон борҳо изҳор намудаанд, ки бо назардошти вазъи мураккаби ҷаҳон омодабошии доимии ҷангӣ ва баланд бардоштани иқтидори қувваҳои мудофиавӣ муҳим мебошад.
Таҳлилҳо нишон доданд, ки дар қисмҳои низомии гарнизони Бохтар иҷрои қонунҳо ва оинномаҳо асосан таъмин шудааст. Дар дидбонгоҳҳои сарҳадӣ афсарон ва сарбозон вазифаи худро дар сатҳи баланд иҷро намуда, омодагии касбӣ ва ҳисси ватандӯстиашонро нишон медиҳанд.
Ҳамзамон роҳбарони сохторҳои низомӣ дастур гирифтанд, ки барои баланд бардоштани сатҳи дониш, маҳорат ва ҳисси ватандӯстии хизматчиён тадбирҳои иловагӣ андешанд.
АКС: рӯзномаи «Хатлон»
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
