Дар Душанбе ҷаласаи Кумитаи баргузории мусобиқаҳои Федератсияи футболи Тоҷикистон баргузор гардид
ДУШАНБЕ, 11.12.2024 /АМИТ «Ховар»/. Дар шаҳри Душанбе ҷаласаи Кумитаи баргузории мусобиқаҳои Федератсияи футболи Тоҷикистон баргузор шуд. Дар ҷаласа нақшаҳои мусобиқоти Лигаи футболи Тоҷикистон барои соли оянда мавриди баррасӣ қарор гирифтанд, хабар медиҳад АМИТ «Ховар» бо истинод ба Федератсияи футболи Тоҷикистон.
Оғози мавсими навбатии мусобиқоти чемпионати Тоҷикистон байни дастаҳои Лигаи олӣ оид ба футбол 7 марти соли 2025 ба нақша гирифта шудааст. Соли 2025 чемпионати Тоҷикистон дар ду давр бо иштироки 12 даста баргузор мешавад. Умуман давоми мавсим ҳар даста дар чемпионат 22 вохӯрӣ мегузаронад.
Дастае, ки соли 2025 мақоми охиринро ишғол мекунад, ба Лигаи якум меафтад ва дастае, ки дар чемпионат ҷойи ёздаҳумро мегирад, бо барандаи медали нуқраи Лигаи якуми Тоҷикистон-2025 бозиҳои гузаришӣ мегузаронад.
Тибқи натиҷаи соли 2024, бошгоҳи «Куктош»-и ноҳияи Рӯдакӣ Лигаи олии чемпионатро тарк мекунад. «Ҳулбук»-и Восеъ, ки ғолиби Лигаи якум гардид, соли 2025 ҳуқуқи иштирок дар чемпионати Тоҷикистон байни дастаҳои Лигаи олиро пайдо намуд.
Кумитаи баргузории мусобиқаҳои Федератсияи футболи Тоҷикистон санаи рақобат барои Суперҷоми мамлакатро дар соли 2025 пешниҳод кард. 25 май- дар Рӯзи ҷаҳонии футбол дар Варзишгоҳи марказии шаҳри Ҳисор бозӣ барои Суперҷоми Тоҷикистон дар соли 2025 байни чемпиони мамлакат – «Истиқлол»-и Душанбе ва барандаи Ҷоми Тоҷикистон-2024 – «Регар-ТадАЗ»-и Турсунзода дар назар аст.
Аъзои кумита тасдиқ карданд, ки дар соли 2025 ҳар марҳилаи Ҷоми Тоҷикистон аз як бозӣ иборат хоҳад буд. Варзишгоҳи «20-солагии Истиқлолияти Тоҷикистон»-и шаҳри Хуҷанд ҳамчун макони баргузории вохӯрии ниҳоии Ҷоми Тоҷикистон-2025 пешниҳод гардид.
Илова бар ин, дар ҷаласа беҳтаринҳои мавсими 2024 муайян карда шуданд. Рӯйхати беҳтарин бозигарон ва мураббиёни мавсими сипаришуда ба Кумитаи иҷроияи Федератсияи футболи Тоҷикистон барои тасдиқ пешкаш шуд.
Ҳама тасмимҳои Кумитаи баргузории мусобиқаҳои Федератсияи футболи Тоҷикистон бояд дар ҷаласаи навбатии Кумитаи иҷроияи федератсия, ки 14 декабр баргузор мешавад, тасдиқ шаванд.
АКС: Федератсияи футболи Тоҷикистон
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
