Дар Ширкати ватании «Як таксӣ» иҷрои нишондиҳандаҳои Паёми Президенти Ҷумҳурии Тоҷикистон ба Маҷлиси Олӣ таъмин карда мешавад
ДУШАНБЕ, 31.12.2024. /АМИТ «Ховар»/. Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» роҳнамои муҳими сиёсиву иҷтимоӣ ва иқтисодӣ барои тамоми мардуми мамлакат, аз ҷумла соҳибкорони ватанӣ ва бахши хусусӣ ба шумор меравад. Аз ин хотир Ширкати ватании «Як таксӣ» ҳамчун аъзои фаъоли бахши хусусии Тоҷикистон бо ҳамовозии самимӣ аз ин Паём ҷонибдорӣ менамояд ва ҳадафҳои дар он муайяншударо ҳамчун манбаи илҳоми нави фаъолият қабул мекунад.
Тавре Директори ширкати «Як таксӣ» (1111) Исматулло Ҳакимов иброз намуд, Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ба рушди иқтисоди миллӣ, истифодаи самараноки захираҳои мавҷуда, рақамикунонии бахшҳои гуногуни хоҷагии халқ ва беҳтар намудани фазои соҳибкорӣ таваҷҷуҳи махсус зоҳир намуданд. Ин нуктаҳо барои ширкати «Як такси» ки дар рушди хизматрасонии муосир ва дастрасии осони нақлиётӣ ба аҳолӣ саҳм мегузорад, аҳамияти бузург доранд.
Ба таъкиди номбурда, фаъолияти ширкати «Як такси» дар самти рақамикунонӣ, истифодаи технологияҳои инноватсионӣ ва беҳтар намудани сифати хизматрасонӣ мутобиқ ба ҳадафҳои стратегии давлат ба роҳ монда шудааст. «Чунонки Пешвои миллат таъкид намуданд, истифодаи технологияҳои замонавӣ дар идоракунии захираҳо ва хизматрасонӣ на танҳо сифати зиндагии мардумро баланд мебардорад, балки ба рушди устувори иқтисодӣ мусоидат мекунад», иброз дошт ӯ.
Изҳор гардид, ки Ширкати «Як таксӣ» тасмим гирифтааст, ки соли 2025 фаъолияти худро боз ҳам густариш диҳад, хизматрасонии худро дастрас ва шаффоф гардонад ва дар рушди устувори соҳаи нақлиёти шаҳрӣ саҳми арзанда гузорад. «Ҳамчунин мо омодаем, ки дар амалӣ намудани ташаббусҳои Пешвои миллат оид ба ташкили ҷойи нави кор, дастгирии ҷавонон ва баланд бардоштани фарҳанги истифодаи хизматрасонии нақлиётӣ саҳм гузорем»,- гуфт директори ширкат.
Бо чунин руҳияи баланди масъулиятшиносӣ ва эътимод ба ояндаи нек ширкати ватании «Як таксӣ» ҳамовозии худро ба сиёсати хирадмандонаи Пешвои миллат муҳтарам Эмомалӣ Раҳмон изҳор медорад.
АКС: АМИТ «Ховар»
Дар Академияи миллии илмҳои Тоҷикистон ҳамоиши илмӣ баргузор шуд
«МАҚОМИ ЗАНОН ДАР МЕҲВАРИ ПАЁМ». Дар шаҳри Душанбе ҳамоиши занону духтарон баргузор гардид
Масъалаи касбомӯзии аҳолӣ дар меҳвари таваҷҷуҳи Ҳукумати мамлакат, хусусан Президенти Тоҷикистон қарор дорад
Дар Паёми Президенти Тоҷикистон ба Маҷлиси Олӣ шаклгирии фарҳанги миллӣ ва заминаҳои он баррасӣ гардид
Бинои нави Вазорати фарҳанг ва Театри миллӣ дар рӯзҳои ҷашни 35-солагии Истиқлоли давлатии Тоҷикистон ба истифода дода мешаванд
БАРДОШТ АЗ ПАЁМ. Пешрафту пирӯзии ҳар давлат ва ҷомеаро мактабу маориф ва илму дониш таъмин мекунад
ИСТИҚЛОЛИЯТИ ЭНЕРГЕТИКӢ. Бо кадом роҳҳо метавон ба он ноил гардид?
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
МАОРИФ — СОҲАИ КАЛИДӢ. Дар Паёми Президенти Тоҷикистон ба Маҷлиси Олӣ ба ин масъала таваҷҷуҳи махсус зоҳир гардид
Паёми Президенти Ҷумҳурии Тоҷикистон ба Маҷлиси Олӣ такондиҳандаи рушди фарҳанги миллӣ мебошад
ТО ШАБАКАҲОИ 5G ИНКИШОФ ДОДАНИ ИНФРАСОХТОРИ РАҚАМӢ. Ҷиҳати пешбурди иқтисоди рақамӣ тақвияти кор дар чанд самти асосӣ таъкид гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
