Донишҷӯёни Донишгоҳи техникии Тоҷикистон дар Намоиш-озмуни «Меъмор-2024» соҳиби ҷойҳои намоён гардиданд
ДУШАНБЕ, 17.12.2024 /АМИТ «Ховар»/. Бо ташаббуси Кумитаи меъморӣ ва сохтмони назди Ҳукумати Ҷумҳурии Тоҷикистон 13-14 декабр дар Донишгоҳи техникии Тоҷикистон ба номи академик Муҳаммад Осимӣ Намоиш-озмуни ҷумҳуриявии беҳтарин лоиҳаҳои меъморӣ ва шаҳрсозии «Меъмор-2024» баргузор шуд.
Тавре АМИТ «Ховар» бо истинод ба Донишгоҳи техникӣ хабар медиҳад, дар озмун ҳафт донишҷӯи факултети сохтмон ва меъморӣ соҳиби ҷойҳои намоён гардиданд.
Дар номинатсияи санъати тасвирӣ ва дизайн донишҷӯён Давлатниёз Меҳмонов ҷойи якум, Фароз Дилшодов ҷойи дуюм, Гулсун Бердиева ҷойи сеюм ва Ҳоҷиқурбон Маҳмадҷонзода соҳиби ҷойи ифтихорӣ гардид.
Дар номинатсияи асари меъморӣ донишҷӯён Самира Қодирова соҳиби ҷойи якум, Саидбек Изатзода ҷойи дуюм ва Масрур Зулфонзода соҳиби ҷойи ифтихорӣ гардиданд. Инчунин барои иштироки фаъолона устодони факултети сохтмон ва меъморӣ аз ҷониби Кумитаи меъморӣ ва сохтмон бо Сипоснома сарфароз гардиданд.
Мақсади Намоиш-озмуни ҷумҳуриявӣ муайян кардани лоиҳаҳои беҳтарини меъморӣ байни меъморон, лоиҳакашон ва ҳайатҳои муаллифии Ҷумҳурии Тоҷикистон, муаррифии дастовардҳои лоиҳакашии муосир ва мустаҳкам намудани аҳамияти иҷтимоии ихтисосҳои меъморӣ ба шумор меравад.
Дар озмун пажуҳишгоҳҳои лоиҳакашии Кумитаи меъморӣ ва сохтмон, шахсони воқеӣ ва ҳуқуқӣ ва донишҷӯён лоиҳаҳояшонро ба намоиш гузоштанд.
Дар маҷмуъ 278 лоиҳа аз рӯи номинатсияҳои биноҳо ва маҷмааҳои истиқоматии бисёрошёна, иншооти иҷтимоӣ, ҷамъиятӣ ва фарҳангӣ, бино ва иншооти истеҳсолӣ, санъати тасвирӣ ва дизайн ва асари меъмории донишҷӯён пешниҳод гардид.
АКС: Донишгоҳи техниии Тоҷикистон ба номи академик Муҳаммад Осимӣ
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
