Муқовимат ба коррупсия омили рушди фардои босаодат аст

Декабрь 6, 2024 10:18

ДУШАНБЕ, 06.12.2024. /АМИТ «Ховар»/. 4 декабр дар доираи чорабиниҳои маърифатӣ-иттилоотии зиддикоррупсионие, ки Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Донишгоҳи технологии Тоҷикистон бо мақсади баланд бардоштани маърифати зиддикоррупсионии кормандону донишҷӯён доир менамоянд, дар ин донишгоҳ машварати омӯзишӣ баргузор гардид.  Дар ин хусус ба АМИТ «Ховар» дар Донишгоҳи технологии Тоҷикистон иттилоъ доданд.

Зимни машварат  гуфта шуд, ки коррупсия амали номатлуби ниҳоят хатарноки ҷомеа буда, дар пешрафти давлат хатари ҷиддӣ ба бор меорад. Имрӯз зарур аст, ки ҳар фарди ҷомеа дар пешгирии ин амали номатлуб саҳм гузорад.

Зимни ҳамоиш доир ба мавзуъҳои «Қонунгузории зиддикоррупсионии Ҷумҳурии Тоҷикистон» ва «Роҳҳои пешгирӣ аз амалҳои коррупсионӣ» маъруза карда шуд. Нахуст мафҳуми коррупсия ва оқибатҳои номатлуби ин амал шарҳ дода шуда, баъдан дар бораи зарурати муборизаи дастҷамъона бо он, қабули санадҳои байналмилалӣ ва ҷумҳуриявӣ, ташкили ниҳодҳои зиддикоррупсионӣ дар Ҷумҳурии Тоҷикистон ва навъҳои ҳуқуқвайронкунии маъмурӣ ва ҷиноие, ки хусусияти коррупсионӣ доранд, ба ҳозирин  маълумоти зарурӣ пешниҳод гардид.

Донишҷӯён ва кормандони донишгоҳ ба роҳ надодан ба ҳолатҳои коррупсионӣ, даст назадан ба чунин кирдорҳои номатлуб ва амал кардан дар доираи қонун даъват шуданд.

Иброз гардид, ки дар Донишгоҳи технологии Тоҷикистон барои пешгирии омилҳои коррупсионӣ дар раванди таълим технологияҳои рақамӣ ва инноватсионии таълимӣ амалӣ мегарданд.

Дар ин самт шабакаҳои иҷтимоии донишгоҳ фаъол буда, чорабиниҳои муқовимат бар зидди коррупсия ва нашри видеороликҳои тарғиботӣ пайваста инъикос мегарданд.

АКС: Донишгоҳи технологии Тоҷикистон

Декабрь 6, 2024 10:18

Хабарҳои дигари ин бахш

Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид