Обид Ҷебов дар Мусобиқаи байналмилалии Tokyo Grand Slam 2024 соҳиби медали биринҷӣ шуд
ДУШАНБЕ, 09.12.2024. /АМИТ «Ховар»/. 7-8 декабр дар шаҳри Токио Мусобиқаи байналмилалии Tokyo Grand Slam 2024 оид ба гӯштини ҷудо баргузор гардид, ки аз Ҷумҳурии Тоҷикистон дар он чор паҳлавони шинохта- Обед Ҷебов, Абубакр Шеров, Умедҷон Раҷабов ва Виктория Киселёва иштирок намуданд. Дар ин хусус шореҳи варзиши АМИТ «Ховар» иттилоъ медиҳад.
Дар рӯзи якуми мусобиқа аз Ҷумҳурии Тоҷикистон 2 паҳлавони ҷавон- Обид Ҷебов дар вазни то 66 кг ва Абубакр Шеров дар вазни то 73 кг рақобат карданд. Обид Ҷебов ба гирифтани медали биринҷӣ ноил шуд.
Обид Ҷебов дар даври аввал озод буда, дар даври дуюм Маттиа Миселии итолиёвиро мағлуб намуд. Дар даври чаҳорякниҳоӣ Обид Ҷебов бо Роналд Лимаи бразилӣ гӯштин гирифта, бо имтиёзи иппон пирӯз шуд. Дар даври нимниҳоӣ Обид Ҷебов аз Таикоҳ Фуҷисакаи ҷопонӣ мағлуб шуд ва барои медали биринҷӣ бо Оно Ҳинатаи ҷопонӣ рақобат кард. Дар рақобат барои медали биринҷӣ Обид Ҷебов бар намояндаи Ҷопон — Ҳината Онои 20-сола зафар ёфт. Ин аввалин медали Ҷумҳурии Тоҷикистон дар мусобиқаи Tokyo Grand Slam 2024 аст. Барои Обид Ҷебов ин сеюмин медали биринҷӣ дар мусобиқаҳои Гранд Слам мебошад.
Ёдовар мешавем, ки паҳлавони дигари тоҷик Абубакр Шеров дар вазни то 73 кг дар даври аввал Иоан Житак аз Руминия ва дар даври дуюм Мусо Шабданбекови қирғизро мағлуб карда, ба даври чаҳорякниҳоӣ роҳ ёфт. Дар ин марҳила Абубакр Шеров бо намояндаи Ҷопон Соичи Ҳашимотои ботаҷриба ҳунарнамоӣ кард. Абубакр Шеров дар даври чаҳорякниҳоӣ тавонист, ки бар Соичи Ҳашимотои ҷопонӣ зафар ёбад. Соичи Ҳашимотои 33-сола дорандаи медали биринҷии Бозиҳои олимпӣ, медали тиллои чемпионати ҷаҳон, чаҳор медали тиллои мусобиқаҳои «Мастерс» ва 6 медали тиллои мусобиқаҳои Гранд Слам мебошад.
Абубакр Шеров дар даври нимниҳоӣ аз Татсуки Ишиҳараи ҷопонӣ шикаст хӯрда, барои медали биринҷӣ бо Данил Лаврентев (IJF) қувваозмоӣ кард. Дар ин рақобат Абубакр Шеров бо имтиёзи иппон аз ҷудокори бетараф Данил Лаврентев шикаст хӯрда, мақоми панҷумро касб кард.
Умедҷон Раҷабов дар вазни то 90 кг ва Виктория Киселёва дар вазни +78 кг дар ин мусобиқаи сатҳи баланд иштирок намуда, дар даври аввал аз ҳарифонашон мағлуб шуданд.
АКС аз ТВ «Варзиш»
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
