Озмуни «Беҳтарин маводи телевизионӣ, матбуотӣ ва радиоӣ дар бораи шаҳри Душанбе» ҷамъбаст гардид
ДУШАНБЕ, 12.12.2024. /АМИТ «Ховар»/. Озмуни «Беҳтарин маводи телевизионӣ, матбуотӣ ва радиоӣ дар бораи шаҳри Душанбе» ҷамъбаст гардид. Дар ин хусус АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.
Озмун бо ташаббуси Мақомоти иҷроияи ҳокимияти давлатии шаҳри Душанбе баргузор гардида, дар он бо назардошти ба даст овардани холҳои бештар аз рӯи номинатсияи «Беҳтарин маводи телевизионӣ» ҷойи якум ба Ҳофиз Абасаев, ҷойи дуюм ба Зикриё Раҳимов ва ҷойи сеюм ба Фаррух Ҳомидов дода шуд.
Дар номинатсияи «Беҳтарин маводи матбуотӣ» ҷойи якумро Ҳусниддин Холов ба даст овард. Ҷойи дуюм ба Фароғат Муҳаббатова ва ҷойи сеюм ба Сироҷиддин Шукурӣ дода шуд.
Ҳамзамон дар номинатсияи «Беҳтарин маводи радиоӣ» Абдунасим Раҷабов ҷойи якум, Фирӯз Каримзода ҷойи дуюм ва Дилбар Исматова ҷойи сеюмро сазовор гардиданд.
Озмун тибқи қарори Раиси шаҳри Душанбе аз 4 ноябри соли 2024 тасдиқ гардида, бо мақсади тарғибу ташвиқи дастовардҳои шаҳри Душанбе, ҳамкории густурда ва ҳавасмандгардонии кормандони воситаҳои ахбори омма баргузор карда шуд.
Озмун тавассути шабакаҳои телевизионию радиоӣ, сомонаи Мақомоти иҷроияи ҳокимияти давлатии шаҳри Душанбе ва саҳифаҳои он дар шабакаҳои иҷтимоӣ эълон карда шуда, намояндагони воситаҳои ахбори омма, бахусус кормандони соҳаи телевизиону радио ва рӯзномаю маҷаллаҳо маводи омоданамудаашонро ба ҳайати комиссияи озмун пешниҳод намуданд.
Ҳайати комиссияи озмун ба маводи пешниҳоднамудаи довталабон аз рӯи мутобиқат ба муҳтавои озмун, қобилияти эҷодӣ, касбияти техникӣ, сифати банду баст, диди коргардонию наворбардорӣ, инъикоси саҳми Раиси шаҳри Душанбе дар рушди самтҳои гуногуни шаҳрдорӣ ва муаррифии шаҳри Душанбе ҳамчун шаҳри пешрафта ва амну осоишта баҳо гузошт.
АКС: Шуъбаи иттилоотии дастгоҳи Раиси шаҳри Душанбе
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
